ننګرهار کې پر انګورو د توافقي تجروبو ترسره کولو په موخه هڅې
۱۲ کب ۱۴۰۳ه.ش
۲ رَمَضانُ المُبارَک ۱۴۴۶ه.ق
د ننګرهار د کرنې، اوبو لګولو او مالدارۍ ریاست د بڼوالۍ څېړنیز مرکز کې توافقي تجروبو ترسره کولو په موخه د انګورو ۷ نوعو ۳۵ بوټي کېنول شو.
د ننګرهار د کرنې، اوبو لګولو او مالدارۍ رییس مولوي محمد ولي محسن وویل، چې د کرنې وزارت د څئړنو لوی ریاست له لورې په ختیځ زون کې د انګورو ۷ بېلابېلي نوعي د ښه توافق او پدې زون کې د ترویج په موخه ورکړل شوي، چې د ننګرهار بڼوالۍ په څېړنیز مرکز کې وکرل شوې.
د ننګرهار دکرنې رییس وویل هڅه کوي، چې په ننګرهار کې د نورو مېوو په څېر د انګورو یو کلکسون جوړ او مختلفي نوعي تر څېړنې لاندې ونیسي؛ ترڅو معلومه کړي چې کومه نوعه پدې زون کې ښه نتیجه ورکوي.
د ننګرهار په څېړنیز مرکز کې د مېوو ۷ ملي کلکسونونه او ۷ ننداریزې کروندې کرل شوي، چې د ستروسو سربېره بزګرانو ته دبېلابېلو مېوو لسګونه نوعو د کرلو سپارښتنې شوي دي.
