ننګرهار کې د څارویو درملتونونه او د چرګانو د واکسینو خرڅلاو استازولۍ وڅارل شول

۱۲ وږی ۱۳۹۸
د ننګرهار د کرنې، اوبولګولو او مالدارۍ ریاست په دې ولایت کې د څارویو درملتونونه، د وترنرۍ د برخې فعالین او د چرګانو د واکسینو دخرڅلاو استازولیو څخه څېړنه او ارزونه ترسره کړه.
دغه څارنه مالدارانو ته د معیاري چوپړونو د وړاندې کولو په پار ترسره شوي دي.
په دغه څارنه کې د حیواني او ګیاوو درملتونونو څارنه، د بې کیفیته او تاریخ تېرو درملو تشخیص، د درملتونونو او وترنریو پاکوالۍ او د اقتصاد وزارت د قوانینو پر اساس د درملتونونو جوازونو څارل شامل دي.
د چارواکو په خبره ددې پلټنې په ترڅ کې هغه حېواني درملتونونه او د چرګانو د واکسینو د خرڅلاو استازولۍ چې، جوازونه یې نه لرل او د خپل فعالیت بشپړ قانوني پړاوونه یې نه وو بشپړ کړي د جواز تر اخېستو یې درمل پلورنځي او استازولۍ مهرلاک شول.
دغه څارنې او ارزونې ددې سبب کیږي چې، درملتونونه او د وترنرۍ د برخې فعالین خپلو مشتریانو ته معیاري او په ښه کیفیت چوپړونه وړاندې کړي.