ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي کمېټې غونډه دائره شوه
۲۲ غبرګولی ۱۴۰۲ه.ش
۲۳ ذو القعدة ۱۴۴۴ ه.ق
د ننګرهار ولایت د اماراتي، سلطاني، مرعي او وقفي ځمکو د غصب مخنوی او غصب شویو ځمکو بېرته راکرځولو تخنیکي کمېټې غونډه دائره شوه.
دغه غونډه، چې د ننګرهار د کرنې ادارې او تخنیکي پلاوي رییس الحاج مولوی عبدالستار محمد په مشری ترسره شوه، چې په کې پر تېرو موضوعاتو باندې لنډ بحث او رڼا واچول شوه.
دغه راز په دې غونډه کې د جلال اباد د ښاروالۍ اړوند د زاړه ښار پر یو شمېر موضوعاتو باندې بحث وشو، او دیادې سیمې له متصرفینو سره هم ولیدل او مشکلات یي واوریدل شو.
ورته مهال د تخنیکي پلاوي غړو د شمشاد مېنې ښارګوټي، اومید آباد، کمپونو، قاسم اباد ښارګوټي او سیاسنګ ښارګوټي څخه هم لیدنه وکړه، او دیادو سیمو بشپړ حد فاصل تثبیت شو، او غیر قانوني متصرفینو ته خبرداری ورکول شو چې د نوي کار کولو او همدا راز پېر او پلور څخه په کلکه ډډه وکړي، که هر چا سرغړونه وکړه د افغانستان اسلامي امارت د اصولو سره سم به عدلیي او قضایي څانکو ته ور وپېژندل شي.
