ننګرهار کې د ځمکې غصب مخنیوی او غصب شویو ځمکو بېرته راکرځولو تخنیکي پلاوی غونډه دائره شوه
۹ زمری ۱۴۰۲ه.ش
۱۳ مُحَرَّمُ الحَرام ۱۴۴۵ه.ق
د ننګرهار ولایت د اماراتي، سلطاني، مرعي او وقفي ځمکو د غصب مخنوی او غصب شویو ځمکو بېرته راکرځولو تخنیکي کمېټې غونډه دائره شوه.
ددې غونډې په ترڅ کې پر بېلابېلو موضوعاتو د خبرو اترو ترڅنګ پر یوشمېر دوسیو او عریضو مهمې پرېکړې وشوې.
دغه راز د تخنیکي پلاوي غړو چې تېره ورځ د مختلفو سیمو څخه لیدنه ترسره کړي وه، وروسته غونډه کې پري بحث وشو او پریکړه یي وکړه، چې د تنګي توغچي، زانګویې ځمکي له نږدې ولیدل شي او د ځمکي مشخصات، اندازه او کروکې معلومه او د ځمکې اسناد له خلکو و غوښتل شي.
همدا رنګه د بحرآباد په ښارګوټي کې ترڅو چې ځمکه ښاروالۍ ته په قانونې ډول نه وي انتقال شوي، هیچاته د کار کولو اجازه نشته او د جلال آباد ښار په شنو سیمو کې، چې د خلکو له لورې دوکانونو جوړول پیل شوي؛ باید کارونه یې ودرول شي.
باید وویل شي، چې د ننګرهار ولایت د ځمکې د غصب مخنیوی او غصب شویو ځمکو د بېرته راګرځولو کمېټه تر دې دمه په دې ولایت کې د ډېرو ځمکو د غصب مخه نیولی او ترڅنګ یې ډېر غصب شوي ځمکې بېرته راګرځولي دي.
