ننګرهار کې د بېرو ځنګلونو ساتني په موخه ناسته ترسره شوه

د ننګرهار د کرنې، اوبو لګولو او مالدارۍ رییس مولوي محمد ولي محسن دخپل کار په دفتر کې د افغانستان راتلوونکي نسلونو مؤسسې ولایتي مسؤل انجینر نقیب الله احمدزي او نورو مسؤلینو سره ناسته ترسره کړه.
ښاغلي احمدزي وویل، چې «اف جې اې» مؤسسې په بهسودو او کوزکونړ ولسوالیو کې د بېرو ځنګلونه جوړ او ساتني او پالني مسؤلیت درلوده خو ددوي د پروژې د کار موده پاي ته رسېدو کې ده او یاد ځنګل ساتني او پالني ته اړتیا لري، چې ورته بدیلي لاري ولټول شي.
د ننګرهار کرنې، اوبو لګولو او مالدارۍ رییس مولوي محمد ولي محسن د یادې مؤسسې څخه تر بل تمویلونکي پیداکولو دهمکاري غوښتنه وکړه او همدارنګه یي د احصایي او معلوماتو د تنظیم امر قاري سېلاب ذکریا  او طبیعي سرچینو امر قاري کاهون عبدالرحمن اتل ته دنده وسپارله ترڅو د کرنې وزارت، ملګرو ملتونو د خوړو نړیوال پروګرام او نورو اداراتو سره د کاریګرو په برخه کې د همکاریو غوښتنه وکړی.
 د افغانستان راتلوونکي نسلونو مؤسسې په بهسودو او کوزکونړ ولسوالیو کې پر ۳۵۰ جریبه ځمکه داقلیم بدلون او شاتو مچیو تولید زیاتوالي په موخه د بېرو ځنګلونه جوړ کړي.