ننګرهار کې د اوبولګولو ۲۰ کانالونه ګټې اخیستنې ته وسپارل شول

mail-admin
یکشنبه ۱۳۹۹/۱۱/۵ - ۱۴:۴۷
۲۰ کانال آبیاری در ننگرهار به بهره‌برداری سپرده شد

۵ سلواغه ۱۳۹۹
ننګرهار ولایت ته د کرنې، اوبولګولو او مالدارۍ وزیر ډاکټر انوارالحق احدي د سفر په ترڅ کې، د ۱۱۲ میلیونه افغانیو په لګښت د اوبولګولو ۲۰ کانالونه ګټې اخیستنې ته وسپارل شول.
د اوبولګولو یادې پروژې د ننګرهار ولایت په مرکز او ۱۷ ولسوالیو کې د کرنې وزارت د خلکو په ګډون دکرنې او مالدارۍ پروژې «CLAP»، د کرنې د ودې او کلیوالي پراختیا پروژې یا «CBARD» او دغه راز له دویم ملي لومړیتوب څخه د ملاتړ «SNAPP2» پروژو له خوا د ۱۱۲ میلیونه افغانیو په لګښت پلي شوي دي. د اوبولګولو یادې پروژې څه باندې ۱۲ زره او ۵۰۰ جریبه ځمکې خړوبوي او د اوبو د نږدې ۲۰ سلنې ضایعاتو مخه نیسي.
د اوبولګولو د دغو پروژو په پرانیست غونډه کې د کرنې وزیر وویل، چې اوبولګول د کرنې وزارت له کلیدي سکټورونو څخه دی او هر کال د ننګرهار په ګډون په بېلابېلو ولایتونو کې د اوبولګولو ډېرې پروژې پلي کېږي. انوارالحق احدي وویل: «زموږ اساسي لومړیتوب دادی، چې ډېرې ځمکې تر کرکېلي لاندې راشي ترڅو په بېلابېلو برخو کې د تولید زیاتوالي او ځان بسیاینې ته زمینه برابره شي.»
دغه راز د ولسمشر سترسلا کار او د ننګرهار والي ضیاءالحق امرخېل، هم د اوبولګولو د یادو پروژو د پرانیستې په غونډه کې وویل، چې د اوبولګولو د نویو کانالونو او شبکو په جوړېدو سره ډېرې سیمې د خړوبولو تر پوښښ لاندې راغلي او د حاصلاتو کچه لوړه شوې ده.

 

تازه ترین اخبار

دوشنبه ۱۴۰۴/۸/۵ - ۱۴:۲
Background image

تخار ولایت کې د اقلیمي بدلونونو سره د کرنې او مالدارۍ د سازښت روزنیز پروګرامونه ترسره شول

۵ لړم ۱۴۰۴ هـ.ش
۵ جُمَادَى الأول ۱۴۴۷ هـ.ق
د کرنې، اوبو لګولو او مالدارۍ وزارت اړوند « د کرنې او مالدارۍ سکټور د اقلیمي بدلونونو سره د سازښت ریاست» د تخار ولایت په مرکز او څلورو. . .

دوشنبه ۱۴۰۴/۸/۵ - ۱۳:۱۳
Background image

پکتیکا کې ۵۰۰ بزګرانو ته د غنمو اصلاح شويو تخمونو او کيمياوي سرو د وېش لړۍ پيل شوه

۵ لړم ۱۴۰۴ هـ.ش
۵ جُمَادَى الأول ۱۴۴۷ هـ.ق
د پکتیکا ولایت د کرنې، اوبولګولو او مالدارۍ ریاست له‌خوا، د اکشن اېډ موسسې په همکارۍ او ملګرو ملتونو د خوړو او کرنې نړۍوالې ادارې«اف.اې.او» په. . .

دوشنبه ۱۴۰۴/۸/۵ - ۱۳:۳
Background image

کندهار کې د لمرګلي نبات د پراختیا په پار هڅې، د ټیکا له استازو سره د لمرګلي نبات د پراختیا په پار ناسته وشوه

۵ لړم ۱۴۰۴ هـ.ش
۵ جُمَادَى الأول ۱۴۴۷ هـ.ق
د کرنې، اوبولګولو او مالدارۍ وزارت د اوبولګولو او طبیعي سرچینو مرستیال مولوی باز محمد فیضان په مشرۍ، د کندهار ولایت په کرنې ریاست کې د ترکیې د. . .

بازگشت