ننګرهار وادي کرنیز امارتي شرکت د اچارو تولید پیل کړ
۱۸ سلواغه ۱۴۰۳ه.ش
۷ شَعبان المُعَظّم ۱۴۴۶ه.ق
ننګرهار وادي کرنیز امارتي شرکت د خوراکي صنعت د پراختیا په موخه د څلور نیم ټنه خوندور اچارو تولید پيل کړ. دا اچار، چې د ګازرو، زیتون تېلو، مرچو، لیمو او نورو ګټورو موادو څخه جوړېږي، نه یوازې د خوړو خوند زیاتوي، بلکې له روغتیايي پلوه هم ګټور بلل کېږي.
د یاد شرکت د زیتون فابریکې مشر مولوي اختر محمد هاشمي وايي، دا تولیدات به د روژې مبارکې میاشتې لپاره کورني بازار ته وړاندې شي.
د سوداګرۍ او بازار موندنې رئیس انجنیر ندي الله نیازی وايي، دا نوښت د کرنیزو محصولاتو د ارزښت لوړولو او اقتصادي ودې لپاره ترسره شوی.
د شرکت مسؤلین هیله لري چې دا پروژه به نه یوازې د سیمې خلکو ته اسانتیاوې رامنځته کړي، بلکې کروندګرو ته به هم اقتصادي فرصتونه برابر کړي.
