میربچه‌ کوټ کې د «کرنیزو محصولاتو د مدیریت د طرحې» د ممیزخونو جوړولو د بنسټ ډبره کېښودل شول

mail-admin
سه‌شنبه ۱۳۹۹/۲/۱۶ - ۱۲:۹
سنگ تهداب کشمش‌خانه‌های «طرح مدیریت محصولات زراعتی» در میربچه‌کوت گذاشته شد

۱۶ غویی ۱۳۹۹
د کرنې، اوبولګولو او مالدارۍ وزارت په کابل کې د کرنیزو محصولاتو د مدیریت د طرحې د پلي کېدو چارې له میربچه‌ کوټ ولسوالۍ څخه پیل کړ. د کرنې، اوبولګولو او مالدارۍ وزارت د اوبولګولو او طبیعي سرچینو مرستیال حشمت‌الله او د کابل والي محمدیعقوب حیدري، د یوې غونډې په ترڅ کې «د کرونا په پېر کې د کرنیزو محصولاتو د مدیریت طرحه» کې شامل د ممیزخونو جوړولو د بنسټ ډبره د میربچه ‌کوټ په ولسوالۍ کې کېښودل.
ټاکل شوې، چې په ټوله کې په هغو ولایتونو کې چې ډېر کشمشي انګور تولیدوي څلور زره او ۳۳۲ ممیزخونې جوړې شي.
ددغوممیزخونو د جوړولو ټولیز لګښت ۱.۷ میلیارډه افغانۍ ده.
په دې طرحه کې د شاملو ممیزخونو او پروژو چارې د یوې اوونۍ په لړ کې په نورو ولایتونو کې هم پیلیږي.
د کرنې وزارت د کرونا په پېر کې د کرنیزو محصولاتو د مدیریت په طرحه کې شامل د څلور زره او ۳۳۲ ممیزخونو جوړولو ترڅنګ د روان مالی کال له پیل څخه د ۶۰۰ نورو ممیزخونو جوړول هم  په خپل پلان کې درلود، چې د یوشمېر یې چارې بشپړ شوي دي او د یوشمېر نورو هغو چارې روانې دي.
د کرنیزو محصولاتو د مدیریت په طرحه کې د شاملو ممیزخونو د جوړولو چارې د روان مالي کال تر پایه بشپړیږي.

تازه ترین اخبار

پنجشنبه ۱۳۹۹/۹/۶ - ۱۳:۵۰
Background image

پکتیکا کې له ۳۵۰ مالدارانو سره د څارویو د خوراکي توکو مرسته وشوه


۶ لیندۍ ۱۳۹۹
د پکتیکا دکرنې، اوبولګولو او مالدارۍ ریاست د «ORD» موسسې په مرسته ددې ولایت له ۳۵۰ مالدارانو سره، چې کوچیان هم په کې شامل دي د څارویو د خوراکي توکو مرسته وکړه.
په دې اړه. . .

پنجشنبه ۱۳۹۹/۹/۶ - ۱۱:۱۱
Background image

هلمند کې د ګازرو حاصلات ډېر شوي


۶ لیندۍ ۱۳۹۹
د هلمند ولایت د کرنې، اوبولګولو او مالدارۍ ریاست د معلوماتو له مخې، په دې وروستیو کې په یاد ولایت کې د ګازرو کرکېله او حاصلات ډېر شوي دي.
د هلمند د کرنې ریاست د ارزونې له. . .

پنجشنبه ۱۳۹۹/۹/۶ - ۱۰:۸
Background image

ننګرهار کې د مالدارۍ سکټور د غوړېدا په پار هڅې

۶ لیندۍ ۱۳۹۹
د ننګرهار د کرنې، اوبولګولو او مالدارۍ ریاست چارواکي وایي، چې د مالدارۍ سکتور د پراختیا په پار یې هڅې پیل کړي دي، چې ورځ تر بلې یې وضعیت په ښه کېدو دی.
د ننګرهار د کرنې. . .

بازگشت