میدان وردګو کې یوشمېر وړو شخوند وهوونکو څارویو ته د طاعون واکسینونه تطبیق شو
۱۸ وری ۱۴۰۴ ه.ش
۹ شَوّالُ المُکَرَّم ۱۴۴۶ه.ق
د میدان وردګو ولایت دکرنې، اوبو لګولو او مالدارۍ ریاست له لورې ۱۰۰۰ وړو شخوند وهوونکو څارویو ته د ناروغیو مخنیوي په موخه دطاعون واکسینونه تطبیق شو.
د میدان وردګو ولایت د کرنې، اوبو لګولو او مالدارۍ ریاست چارواکي وویل، چې یاد واکسینونه د میدان وردګو ولایت د بهسود اولې حصې ولسوالی کې کوچې مالدارانو څارویو او نورو وړو شخوند وهوونکو څارویو ته تطبیق شوي،چې تر ډیره به د ناروغیو مخه ونیول شي.
د میدان وردګو ولایت دکرنې او مالدارۍ ریاست چارواکو یاد واکسینونه د مالدارۍ سکتور دپیاوړتیا لپاره مهم وباله او وترنر داکترانو ته یي د ناروغیو پېښیدو په صورت کې کرنې ریاست د خبر ورکو او نورو اړونده برخو کې لازمی سپارښتنې وکړې.
د میدان وردګو ولایت دکرنې ریاست چارواکي زیاته کړه، چې د مالدارۍ سکتور دپیاوړتیا لپاره په بېلا بېلو برخو کې مالدارانو ته خدمات وړاندې کوي، چې یاد واکسینونه یي یوه کوچنۍ بېلګه ده.همدارنګه د واکسینونو د تطبیق موخه د ناروغیو مخنیوی، مالدارۍ سکتور او د مالدارانو اقتصادي پیاوړتیا ده.
