میدان وردګو ولایت کې ۸۶۷ کورنیو سره د هګیو چرګانو مرسته وشوه
د میدان وردګو ولایت دکرنې، اوبولګولو او مالدارۍ ریاست د افغانستان راتلوکي نسلونو (FGA) مؤسسې په مکارۍ ددې ولایت د چک ولسوالی پر ۸۶۷ بېوزله کورنیو د هګیو چرګان وېشلي دي.
د میدان وردګو ولایت دکرنې ریاست چارواکي وايي، چې د چک ولسوالی د یادو ۸۶۷ کورنیو پر هرې کورنۍ ۳۰ د هګیو چرګان، د چرګانو ۱۵۰ کیلو ګرامه خوراکي توکي، درې د اوبو لوښې، درې د دانې لوښې او د مرغانچې ضمیمي وسایل وېش شوي دي.
ددغو مرستو موخه په دې ولایت کې د چرګانو روزنې سکټور د پراختیا ترڅنګ د بېوزله او اړمنو کورنیو اقتصادي ودې ته زمینه برابرول او مېرمنو ته په کور دننه دکار اسانتیا برابرول دي.
