میدان‌وردګ کې د کچالو ۶۹زېرمتونونه ګټې اخیستنې ته وسپارل شول

content_admin
سه‌شنبه ۱۳۹۹/۹/۱۸ - ۱۶:۱۶
میدان‌وردګ کې د کچالو ۶۹زېرمتونونه ګټې اخیستنې ته وسپارل شول

۱۸ لیندۍ ۱۳۹۹
د کرنې، اوبولګولو او مالدارۍ وزارت د کرنیزو محصولاتو مدیریت د طرحې په اډانه کې د میدان وردګو ولایت د بهسودو په دوو ولسوالیو کې دکچالو ۶۹ زېرمتونونه جوړ او ګټې اخیستنې ته وسپارل. برخمن شوي بزګران اوس کولا شي، چې دکال سلګونه ټنه کچالو چې د دوی له مصرف او پلور څخه زیاتیږي، په دغو زېرمتونونو کې یې زېرمه کړي.
ددغو زېرمتونونو رغنیزې چارې د کرنې وزارت د بڼوالۍ او مالدارۍ ملي پروژې «NHLP» له خوا پرمخ وړل کېدل.
ددغو زېرمتونونو ټولیز لګښت ۴۵میلیونه افغانۍ ده. ددې لګښت ۹۰ سلنه دکرنې وزارت او ۱۰ سلنه نور یې برخمن شوي بزګران ور کړي دي.
یاد زېرمتونونه هر یوه یې دڅه باندې ۱۲ مټریک ټنه کچالو د ساتنې وړتیا لري. له دغو زېرمتونونو څخه په استفادې سره د میدان وردګو ولایت بزګران کولای شي، چې دکال سلګونه مټریک ټنه کچالو زېرمه او په مناسب وقت کې یې بازار ته وړاندې کړي.
باید وویل شي، چې تر دې مخکې هم د میدان وردګو په ولایت کې د پیازو او کچالو ۱۴۳ زېرمتونونه چې ۱۰۸ یې د کچالو او ۳۵ یې د پیازو زېرمتونونه ول ګټې اخیستنې سپارل شوي دي.
دغه پروژې ددې ولایت د کرنیزو محصولاتو مدیریت، د بڼوالو او بزګرانو د محصولاتو خوندي کولو او د دوی د عوایدو زیاتولو په پار پلي شوي دي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت