لوګر کې د ځمکې غصب مخنیوی او غصب شویو ځمکو بېرته راګرځولو تخنیکي پلاوي غونډه
د لوګر دکرنې، اوبولګولو او مالدارۍ ریاست رییس او ددې ولایت د ځمکې غصب او غصب شویو ځمکو د بېرته راګرځولو تخنیکي پلاوي مشر الحاج مولوی سید امین هاشمي په مشرۍ غونډه دائره کړه.
په جوړه شوې غونډه کې په یو لړ مهمو موضوعاتو دخبر اترو تر څنګ لازمې پرې کړې هم وشوې.
په جوړه شوې غونډه کې دځینو دښتواړونده دوسیې او اسناد چې د سیمو له قومې مشرانو څخه د پوښتنپاڼې په ترځ کې غوښتل شوي وو، وکتل شول او پرې هر اړخیزې خبرې اترې وشوې.
همدا رازدمرکزي کمیسیون څخه بېرته په مستردی شویو دوسیو له لوستلو وروسته تصمیمم ونیول شو چې نیمګړي معلومات به یې بشپړ اویوځل بیا به مرکزي کمیسیون ته واستول شي.
ددې ترڅنګ د کوچیانو نومول شوی ښارګوټې له قومي مشرانو سره خبرې اترې وشوې، دقومي مشرانو په استازولي دوه تنو خبرې اوکړې او زیاته یې کړه، چې کوچیانو ته پنځه زره جریبه ځمکه چې د کوچیانو ښارګوټې په نوم نومول شوې ورکړل شوی ده،د کلنګار سیمې مشران چې د مرکز اړوند سید محمود غزنوي دښتې کې د ځمکو ادعا درلوده هم خبرې واورېدل شوې اودپاتې معلومات په پار پرې پوښتنپاڼی ووېشل شوې تر څو یې ځواب کړي.
