لوګر: د کرنې ریاست ته د ښارجوړونې او ځمکو ادارې د ځمکو آمریت د لېږد د همغږۍ لومړنۍ غونډه جوړه شوه.
۲۷ چنګاښ ۱۴۰۱ ه.ش
۱۹ ذوالحجَّة ۱۴۴۳ ه.ق
د لوګر دکرنې، اوبولګولو او مالدارۍ ریاست په خبره د لوګر د والي الحاج مولوي عنایتالله په مشرۍ د کرنې ریاست ته د ځمکو ادارې د لېږد په مناسبت غونډه جوړه شوه.
په دې غونډه کې د لوګر والي الحاج مولوي عنایتالله سربېره، د ولايت مقام د دفتر رئیس مولوي میرویس، د کرنې رئیس مولوی سید امین هاشمي او د يادې کمېټې غړو برخه اخيستې وه.
د ځمکو اداره چې د لوګر ولایت د ښارجوړونې او ځمکو ادارې تر مشرۍ لاندى فعالیت کاوه، د اسلامي امارت د رهبرۍ په حکم د لوګر ولایت د کرنې ریاست ته انتقال شو.
د لوګر والي الحاج مولوي عنايتالله په خپلو خبرو کې وويل، د اسلامي امارت رهبري د دوی د ليدلوري او خپلو هېوادوالو ته د غوره خدمتونو د وړاندې کولو په موخه دا ډول پرېکړې کوي.
د لوګر والي وویل، د اسلامي امارت د رهبرۍ د فرمان له مخې د دې ادارې ټول پرسونل، توکې، اسناد او وسایط د کرنې ریاست پورې اړه لري او د تطبیق چارې به یې د یوې کمیټې له خوا ترسره کېږي.
په دې کمیټه کې د ولایت مقام استازی، د کرنې، ښارجوړونې، مستوفیت، اقتصاد او ښاروالۍ ریاستونو رٸیسان شامل دي.
