لغمان کې په دوه زره بزګرانو د شوتلو تخمونو د وېش لړۍ پیل شو
۱۵ چنګاښ ۱۴۰۱ ه.ش
۷ ذوالحجَّة ۱۴۴۳ ه.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «FAO» په مالي او د «AREA» مؤسسې په تخنیکي مرسته ددې ولایت د الینګار ولسوالی په ۲۰۰۰ بزګرانو د شوتلو د اصلاح شویو تخمونو د وېش لړۍ پیل کړی دی.
د لغمان دکرنې ریاست چارواکي وایي، چې په دې لړۍ کې هر بزګر ته درې کیلو ګرامه د شوتلو اصلاح شوي تخمونه ورکول کېږي.
د لغمان ولایت دکرنې ریاست چارواکي وایي، چې دشوتلو اصلاح شوي تخمونه د بېوزله مالدارانو د اقتصادي پیاوړتیا، حیواني محصولاتو زیاتوالی او د مالدارانو د کورنيو خوړو خوندیتوب په موخه وېشلي دي.
باید وویل شي، چې پر یادو مالدارانو تر دې وړاندې د څارویو خوراکي توکي هم وېشل شوي دي.
