لغمان کې پر ۴۶ اړمنو کورنیو د مرخېړیو روزنې توکي ووېشل شول
۳۰ تله ۱۴۰۲ه.ش
۷ ربیعالثاني ۱۴۴۵ ه.ق
د لغمان د کرنې، اوبولګولو او مالدارۍ ریاست په هڅو د لغمان مرکز مهترلام کې د اکشن آیډ مؤسسې په تخنیکي همکارۍ او د ملګرو ملتونو د کرنې او خوړو ادارې په مالي لګښت ۶۴ تنو هغه مېرمنو ته چې د کورنۍ د نفقي پیداکولو مسولیت ور تر غاړي دي د دوی د اقتصادي پیاوړتیا په پار د مرخیړیو تخمونه او دروزنې توکي وېشل شوي دي.
د چارواکو په خبره هر بزګر ته ۵۰ کیلوګرامه غنم، ۲۵۰ کیلوګرامه بوس، ګچ، بور، پایپ، رجه، اره، ګاز ډبه او نور ضروري توکي وېشل شوي دي.
د مرخیړیو تخمونو د ورکړي موخه دا ده ترڅو په کور دننه بېوزله کورنیو ته د کار زمینه برابره شي؛ د خوړو خوندیتوب رامنځته او کورنۍ پر ځان بسیا شي.
دغه راز د مرخیړیو ترویج او ښي روزنې په برخه کې مختلف روزنیز پروګرامونه هم یادو کسانو ته ورکول کېږي.
ددغو مرستو موخه په دې ولایت کې د مرخیړیو ترویج او روزنې صنعت ته پیاوړتیا ورکول او د بېوزله او کونډو مېرمنو اقتصادي ودې ته په کور دننه زمینه برابرول دي.
