لغمان کې د ځنګلونو خوندیتوب او پراختیا په پار هڅې
۱۰ مرغومې ۱۴۰۲ه.ش
۱۸ جُمَادَى الثاني ۱۴۴۵ ه.ق
د لغمان د کرنې، اوبولګولو او مالدارۍ رياست په دې ولایت کې د ځنګلونو خوندیتوب او پراختيا په پار هڅې پیل کړي دي.
په همدې موخه د لغمان د کرنې، اوبولګولو او مالدارۍ ریاست د ملګرو ملتونو د خوړو او کرنې ادارې په همکارۍ ددې ولایت د علیشنګ ولسوالی پر یوشمېر بزګرانو ۹۶ کیلوګرامه د چهارمغزو تخمونه کرل وېشل شوي دي.
ټاکل شوې، چې له دغو تخمونو څخه به څه باندې ۶۷۰۰ نیالګي تولید شي، چې په ترڅ کې به یې ۱۸۸ جریبه د چهارمغزو ځنګلونه جوړ شي.
دا په داسې حال کې ده، چې د لغمان دکرنې ریاست له خوا د ځنګلونو د پرېکېدو د مخنیوي او دځنګلولونو د ساتلو، دځنګلونو د اقتصادي ارزښت او د ځنګولونو د بیا احیا په تړاو خلکو ته لازمې لارښوونې شوي دي او ددې ولایت له خلکو او چارواکو غوښتل شوي، چې د ځنګلونو د ساتنې او پراختيا په برخه کې د لغمان دکرنې ریاست سره مرستې او همکارۍ وکړي.
