لغمان کې د شفتالو ١٥٠ جریبه بڼونه جوړېږي
١٠ سلواغه ۱۴۰۲ه.ش
١٨ رَجَب المُرَجَّب ۱۴۴۵ ه.ق
د لغمان دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې په همکارۍ ددې ولایت د قرغه یې په ولسوالی کې د شفتالو د ١٥٠ جریبه بڼونو د جوړولو چارې پیل کړي دي.
ولسوالۍ کې 150 جریبه د شفتالو باغونو د ایجاد لړۍ رسما پیل شوه.
د لغمان دکرنې ریاست چارواکي وایي، چې د یادو بڼونو لپاره بزګران د پروژې د ټولنیزو کارکوونکو له خوا د لغمان دکرنې ریاست په همغږۍ ټاکل شوي دي، چې د بڼونو تر ډیزاین وروسته اوس پر دوی د شفتالو نیالګي ووېشل شول.
ددې پروسې له لارې یو جریب بڼ لپاره سل د شفتالو نیالګي وېشل، کېږي چې ١٥٠ جریبه ځمکې لپاره په ټولیزه توګه ١٥ زره نيالګي په پام کې نیول شوي دي.
د یادونې وړ ده، چې د یادې پروژې له لارې تېرکال قرغه یې ولسوالی کې د لیمو ٢٠٠ جریبه بڼونه هم ایجاد شوی دي چې سږکال د پلان مطابق یادو بزګرانو ته دري قلمه د بڼوالي توکي (د ښاخ بري آره، قیچي او پمپ) توېشل شوي دي.
د لغمان دکرنې ریاست په دوامداره توګه هڅه کوي ترڅو په ولایت کې د بڼوالۍ د پراختیا له لارې کرنیز براختیا رامنځته او د لغمان د غریبو او بیچاره بزګرانو اقتصاد پیاوړی کړي.
