لغمان کې د دولتي ځمکو د غصب مخنیوی په پار هڅې
۱۸ تله ۱۴۰۱ه.ش
۱۴ ربیعالاول ۱۴۴۴ ه.ق
د لغمان دکرنې، اوبولګولو او مالدارۍ ریاست چارواکي وایي، چې په دې ولایت کې د دولتي ځمکو د غصب مخنیوی په پار یې هلې ځلې ګړندي کړي دي.
دلغمان ولایت دکرنې، اوبولګولواومالدارۍ رییس الحاج مولوي محمد ولي محسن قرغیوولسوالۍ ته دامارتي غصب شووځمکودتثبیت، سروې اودغصب څخه دخلاصون په موخه په داسې حال کې سفروکړه، چې ددې ریاست دتخنیکي ځمکوالۍ چاروامر مولوي ګل رسول زبیرهم ورسره ملګري و.
د لغمان دکرنې رییس لومړۍ دقرغیو ولسوالی دکرنیزوچارو عمومي مدیریت کارمندانوسره دچارو دهمغږۍ اولاښه تطیبق لپاره ناست وکړه، او د ځمکوالۍ چارومدیریت ته یې سپارښتنه وکړه چې د امارتي ځمکو اجاره داران راوغواړي او داجارې د عوایدو باقیات تحویل کړي.
اوهمداراز د لغمان دکرنې رییس د امارتي ځمکو دتثبیت اوسروې لپاره د امیرالمومنین حفظه الله د ۲۸۹ګڼه فرمان مطابق دقرغیوولسوالی په سطحه یو درې کسیزه ګډ پلاوي چې په ترکیب کې یې د کرنې مدیر، د لومړنۍ محکمې استازی او د امنیه قومندانۍ استازی شامل دي وټاکه او دوی ته یې د قرغیو ولسوالی د ټولې اراضۍ لپاره یو پلان ترتیب کړه او لارښوونه یې ورته وکړه چې ددې پلان مطابق دقرغیوو لسوالی ټوله غصب شوې ځمکې دتثبیت سروې ترسره او غاصبین یې په نښه کړي.
د ځمکو د غصب د مخنيوي کميټې تر دې دمه په لغمان ولایت کې د ډېرو امارتي ځمکو د غصب مخنيوی کړی او د ټول ولايت په کچه د ځمکو د غصب د مخنيوي او د غصب شويو ځمکو د بېرته ګرځولو په موخه يې د عملياتي پلان تطبيق جريان لري.
د دولتي ځمکو له غصب سره د مبارزې کمیټه د ولایت مقام، امنیه قوماندانۍ، د کرنې ریاست، د محکمو او څارنوالۍ، ښاروالۍ او د ښار جوړونې او ځمکو د ریاستونو له استازو څخه جوړه ده، چې مشري یې د کرنې ریاست کوي.
