فراه کې پر سلګونو بزګرانو د اصلاح شويو غنمو تخمونه وېشل کېږي 

mail-admin
یکشنبه ۱۴۰۵/۷/۵ - ۱۵:۳۴
توزیع تخم‌های اصلاح‌شده گندم میان صدها دهقان در فراه

۵ تله ۱۴۰۵ هـ.ش 
۱۴ رَبِیعُ الْثاني ۱۴۴۸ هـ.ق
د فراه ولایت د کرنې، اوبو لګولو او مالدارۍ ریاست په هڅو، د ملګرو ملتونو د خوړو او کرنې ادارې «اف‌اې‌او» په مالي ملاتړ او د «سي‌اچ‌اې» مؤسسې په همکارۍ، د فراه مرکز اړوند ۳۰۰۰ بزګرانو ته د اصلاح شويو غنمو تخمونو د وېش لپاره د بزګرانو د سروې او مستحقو کسانو د تثبیت بهیر په منظم ډول روان دی.
د فراه ولایت د کرنې ریاست د معلوماتو له مخې، د دې بهیر په ترڅ کې د سیمې بزګران سروې کېږي او د ټاکل شویو معیارونو له مخې مستحق بزګران تثبیتېږي، چې له بشپړېدو وروسته به هر مستحق بزګر ته ۵۰ کیلوګرامه اصلاح شوي د غنمو تخمونه ووېشل شي.
د یادو اصلاح شويو تخمونو د وېش په بدل کې به له هر بزګر څخه ۸۰۰ افغانۍ اخیستل کېږي.
د فراه د کرنې ریاست مسوولین وایي، چې د دغه ډول پروګرامونو د پلي کېدو موخه د اصلاح شويو تخمونو دودول، د بزګرانو ملاتړ، د کرنیزو حاصلاتو لوړول او له لږې ځمکې څخه د لا ډېرو حاصلاتو ترلاسه کولو زمینه برابرول دي.
اصلاح شوي تخمونه د کرنیزو حاصلاتو د لوړولو، د کرنیزو ناروغیو او افتونو پر وړاندې د نباتاتو د مقاومت زیاتولو او د بزګرانو د تولیدي وړتیا د لوړولو په برخه کې مهم رول لري. د اصلاح شويو تخمونو وېش د کرنې وزارت او همکارو بنسټونو له هغو هڅو څخه دی، چې موخه یې د هېواد د غنمو تولید زیاتول، د بزګرانو ملاتړ او د خوړو د خوندیتوب پیاوړتیا ده.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت