فراه کې راستانه شویو کډوالو ته لس معیاري شنې خونې جوړېږي
۲۳ کب ۱۴۰۴ه.ش
۲۵ رَمَضانُ المُبارَک ۱۴۴۷ه.ق
د فراه ولایت د کرنې، اوبولګولو او مالدارۍ ریاست په هڅو، د «واسا» مؤسسې په تخنیکي همکاری او د «یواناچسيآر» ادارې په مالی ملاتړ د دی ولایت مرکز اړوند کلیوکې ۱۰ بابه معیاري شنېخونې جوړېږي. په همدې موخه پر اړوندو بزګرانو د شنوخونو جوړولو توکي ووېشل شول.
ددغو توکو په وېش غونډه کې د فراه دکرنې رییس مولوي پیرمحمد حلیمي وویل، چې، یاد پروګرام د فراه ولایت مرکز اړوند هغه سیموکې چې، څو موده مخکې د یو ګډ ټیم له خوا دشفاف سروې له لارې یوشمېر بزګران اړمن پیژندل شوي پلي کېږي، چې په همدې موخه دیاد شنو خونو ۲۳ قلمه توکې او وسایل و ویشل شول.
د یادولو وړ ده، چې له هرشنې خونې څخه ۸ نفر په ګډه ګټه اخلي چې، ټوټال ۸۰ تنه په مستقیم ډول د یاد پروژی څخه ګټمن کېږي.
ددې پروژې موخه هېواد ته راستانه شویو کډوالو ته د کار زمینه برابرول، د وچکالۍ د اغیزمنتیا کمول، اقتصادی پیاوړتیا او د شنو خونو صنعت ته وده او پراختیا ورکول بلل دي.
