فاریاب کې ۸۰ ننداریزې کروندې جوړې شوي دي

۳ کب ۱۳۹۹
د فاریاب د کرنې، اوبولګولو او مالدارۍ ریاست وایي، چې د روان کال په ترڅ کې په دې ولایت کې د انجې، الوویرا، غنمو، سویابین او کونځلو ۸۰ ننداریزې کروندې جوړې شوي دي.
د یادو ننداریزو کروندو ترڅنګ په دې ولایت کې هغو بزګرانو ته چې لږې ځمکې لري ۸۰ نیمه سوداګریزې شنې خونې هم جوړې شوي دي. یاد شنې خونې هر یوه یې ۲۱۰ متر مربع پراخوالی لري. دغه راز د مېرمنو د پیاوړتیا په پار ۳۷ کورني باغچې هم پر یوشمېر کروندګرو مېرمنو وېشل شوي دي.