سرپل کې د کروندګرو د اضافي غنمو د پېر او زېرمه کولو درې ګونه کمېټه وګمارل شوه
۲۰ وږی ۱۴۰۳ه.ش
۷ رَبِیعُ الْأَوَّل ۱۴۴۶ه.ق
د سرپل دکرنې ریاست، سیلو، صنعت او سوداګرۍ، مستوفیت او د لایت مقام د استازو په شتون کې د بیې ټاکنې او تسلیم ګیرۍ درې ګونه کمېټې تر ګمارنې وروسته خپلې چارې پیل کړې.
ټاکل شوې، چې دا کمیټې د تدارکاتو له پروسې وروسته له اووه سوه متریک ټنو څخه زیات د بزګرانو اضافي غنم وپېري او زېرمه یې کړي.
د یادولو وړ ده، هغه ولایتونه چې سیلو نه لري په ګودامونو کې زیرمه کېږي او اضافي غنم یې نورو ولایتونو یا مرکز ته لېږدول کېږي.
