زابل او کندز ولايتونو کې د ځمکو د تثبيت چارې بشپړې شوې
۴ سلواغه ۱۴۰۳ھ.ش
۲۳ رَجَب المُرَجَّب ۱۴۴۶ه.ق
د عالیقدر امیرالمؤمنین (حفظه الله تعالی) د حکم په اساس صنعت او سوداګرۍ وزارت لپاره د هېواد په کچه په هر ولايت کې د زر جريبه ځمکې د تثبيت او انتقال په پار د صنعتي پارکونو د جوړولو په موخه زابل او کندز ولايتونو کې هم د ځمکو تثبيت چارې بشپړې شوې.
په دغه پروګرام کې، چی د کرنې وزارت لخوا په لاره اچول شوی په داسې حال کې چې اراضۍ ریاست او د دغه ولايتونو د مختلفو ریاستونو مسؤلينو ګډون درلود د يادو ځمکو د تثبيت اسنادونه په رسمي بڼه لاسلیک او دغه سندونه به د نورو اجراادآتو په موخه مرکز ته واستول شي.
په پای کې د يادو ولايتونو چارواکو په یادو ولاياتو کې ددغه کار د پایلې څخه خوښي څرګنده کړه او دا کار يې د هېواد د پرمختګ او سوکالۍ په برخه کې ښه اقدام وباله.
