د یوې کانال په بیارغولو سره، د قادس په ولسوالۍ کې ۲۷۰ جریبه ځمکه خړوبه شوه
۲۹ وږی ۱۳۹۹
د بادغیس ولایت د کرنې، اوبولګولو او مالدارۍ ریاست وایي، چې ددې ولایت د قادس په ولسوالۍ کې د اوبولګولو د یوې کانال په بیارغولو سره، ۲۷۰ جریبه ځمکه د خړوبولو تر اغېزمن پوښښ لاندې راوستل شو.
د اوبولګولو یاد کانال د ۱۶۵ متر اوږدوالی او ۸۰ سانټي مټر لوړوالي سره د «قادس خردک» په کلي کې د کرنې وزارت د کرنې د ودې او کلیوالي پراختیا پروژې « CBARD» له لارې بیارغول شوې ده.
د یاد کانال رغول د اوبو د کمۍ او د اوبو د وېش ستونزې هوارې کړي او له دې پروژې څخه ۷۱۱ کورنۍ برخمن شوي دي.
