د کندهار ښورابک کي د ۱.۵ میلیونو افغانیو په لګښت د یو کانال جوړولو چارې پیل شوې
د کرنې، اوبو لګولو او مالدارۍ وزارت په پراختیایي بودیجه او د کندهار دکرنې، اوبو لګولو او مالدارۍ ریاست تر رهبري لاندې ددې ولایت د ښورابک ولسوالی به پنج پای سیمه کي د شاوخوا ۱.۵ میلیونه افغانيو په ارزښت د اوبو رسولو د یو کانال جوړولو چاري پیل شوې.
د کندهار دکرنې ریاست چارواکي وایي، چي یاد کانال د ۴۰۰ مترو په اوږدوالي سره د کرنې وزارت په پراختیایي بودیجه جوړېږي، چي اوس مهال یې د جوړولو چاري د کډو مسؤلینو په حضور کي پیل شوي، ترڅو د یادې ولسوالی لپاره د اوبو رسول اسانه شي او ترڅنګ یې سلګونه کروندګر ترې ګټه پورته کړي.
د یاد کانال جوړولو موخه لرو پرتو ولسوالیو لپاره د اوبو رسولو د لېږد اسانتیاوې برابرول، د اوبو لیږد اسانه کول، د کروندګرو ستونزې ته په معیاري او ښه ډول لاس رسي او د هغوی اقتصادي ملاتړ دي.
د یادوني وړ ده، چې څو ورځې وړاندې د کندهار د میانشېن ولسوالی په میانه سیمه کي هم د اوبو زېرمه کولو یو ستر چکډېم د پارچاوې چارې بشپړې او ګټې اخیستنې ته سپارل شوې ده.
