د کندهار نېش ولسوالی کې پر لسګونو بزګران دجوارو اصلاح شوي تخمونو او کیمیاوي سرو وېش لړۍ پیل شوه

د کندهار دکرنې، اوبولګولو او مالدارۍ ریاست د ملګرو ملتونو د خوړو او کرنې ادارې «اف،اې،او» په مالي او د کندهار د کډوالو مؤسسې په تخنیکي همکارۍ ددې ولایت د نېش په ولسوالی کی پر ۲۵۰ کروندګرو د جوارو اصلاح شویو تخمونو او کیمیاوي سرو وېش لړۍ پیل کړی دی، چې د یادې مرستې د وېش په موخه د نوم لیکنې لړۍ بشپړه شوه.
د دې مرستې په ترڅ کې هر بزګرته ۱۲ کیلوګرامه د جوارو اصلاح شو تخم، ۲۵ کیلوګرامه توره سره او ۲۵ کیلوګرامه سپینه سره ورکول کېږي.
د یادې مرستي څخه موخه په لیري پرتو سیمو کې بزګرانو ته اړیني چوپړتیاوي برابرول، د هغوی اقتصادي ملاتړ کول او د جوار کرنې څخه د بزګرانو عاید لوړول دي.
د یادونې وړ ده، چې د یادې مرستې د نوم لیکني لړۍ بشپړه شوې او تمه ده، چې په نږدې راتلونکي کې به یادو بزګرانو ته یادې مرستې ووېشل شي.