د کندهار دکرنې ریاست: د ۳۵ شنوخونو چارې په ښه ډول پر مخ روان دي

mail-admin
سه‌شنبه ۱۴۰۴/۲/۲۳ - ۹:۲۶
د کندهار دکرنې ریاست: د ۳۵ شنوخونو چارې په ښه ډول پر مخ روان دي

۲۳ غویی ۱۴۰۴ ه‍.ش
۱۵ ذُو ٱلْقَعْدَةِ ۱۴۴۶ه‍.ق 
د کندهار د کرنې، اوبو لګولو او مالدارۍ ریاست تر رهبري لاندې، د کرنې اوبو لګولو او مالدارۍ وزارت د بدیل معیشت پراختیایي بودیجې له لارې، د یو خصوصي ودانیز شرکت په تخنیکي همکاري او د کرنیزو چارو او طبیعي سرچینو آمریت تر مستقیمې څارنې لاندې، د کندهار کښته میوند، لوړ میوند، ژړۍ، ډنډ، دامان او پنجوایي ولسوالیو کې د ۶ میلیونه ۴۴۰ زره افغانیو په ارزښت ۳۵ بابه شنې خونو جوړولو چارې پیل شوي دي، چې رغنیزې چارې یې په ښه ډول پرمخ روان دي.
ددغو شنوخونو له ډلې به ۸ په کښته میوند، ۷ په لوړ میوند، ۵ په ژړۍ، ۵ په ډنډ، ۵ په دامان او ۵ په پنجوایي ولسوالیو کې جوړې شي. هره شنه خونه به ۲۰ متره اوږدوالي او ۶ متره پراخوالي ولري. ترڅنګ به یې د اوبو مدیریت او زېرمې لپاره سیستم جوړ شي، چې دغه اوبو سیستم به د ۱۲۰۰ لیټره اوبو د زېرمه کولو ظرفیت ولري.
د کندهار د کرنې ریاست د طبیعي سرچینو آمریت انجنیر نورمحمد همکار د شنو خونو جوړولو چارو څخه څارنه کوي او د څارنې پر مهال یې مسؤلینو ته د چارو د ښه ترسراوي او بهبود لپاره اړینې سپارښتنې کړې، ترڅو د شنو خونو چارې په ښه توګه ترسره شي او په ښه کیفیت سره پر مخ ولاړې شي. نوموړي د څارنې ترڅنګ وویل، چې د شنو خونو جوړولو چارو پیل یې د ډنډ ولسوالی څخه کړی.
د یادو شنو خونو د جوړولو موخه د کوکنارو بدیل په بار اغېزمنه کرنه، په سړه موسم کې د سبو حاصلات ترلاسه کول، میکانیزه کرنې ته وده ورکول، د بزګرانو ملاتړ، د هغوی اقتصادي وضعیت پیاوړی کول او په ټولو موسمونو کې بزګرانو ته د کار زمینه برابرول دي.
د یادونې وړ ده، چې د کندهار د کرنې ریاست د هرې پروژې څخه پر وخت او ښه ډول څارنه کوي او هڅه کوي، چې چارې یې په ښه ډول ترسره شي.

تازه ترین اخبار

سه‌شنبه ۱۴۰۴/۳/۱۳ - ۱۰:۱۸
Background image

پکتیا کې د کانګو وینه بهېدونکې تبې د مخنیوي کمپاین څخه څارنه ترسره شوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د پکتیا د کرنې، اوبو لګولو او مالدارۍ ریاست اړوند د مالدارۍ آمریت کارکوونکو له لوری د یاد ولایت د مرکز ګردیز او څمکنیو ولسوالۍ کې د کانګو. . .

سه‌شنبه ۱۴۰۴/۳/۱۳ - ۱۰:۹
Background image

هلمند کې د څارویو سټراګانو پلورنځیو څارنه وشوه

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
د هلمند ولایت د کرنې، اوبو لګولو او مالدارۍ ریاست اړوند د مالدارۍ او حیواني روغتیا امریت کارکوونکو د هلمند ولایت په مرکزي سیمه کې هغه. . .

سه‌شنبه ۱۴۰۴/۳/۱۳ - ۱۰:۹
Background image

د هلمند دوو ولسوالیو کې د طبیعي کبانو نیونې په تور ۱۳ تنه نیول شوي

۱۳ غبرګولی ۱۴۰۴ ه‍.ش
۶ ذُو الحِجَّةِ ۱۴۴۶ه‍.ق
وروسته له هغې چې هلمند کې د طبیعي کبانو د نسل ختمېدو د مخنیوي په پار په دې ولایت کې د طبیعي کبانو پر ښکار بندیز ولګېد، د دې ولایت کرنې،. . .

بازگشت