د کندز ولایت د کرنې نوی رییس معرفي شو
۸ وږی ۱۴۰۴ هـ.ش
۶ رَبِیعُ الْأَوَّل ۱۴۴۷ هـ.ق
دکرنې، اوبولګولو او مالدارۍ وزارت د وړاندیز او د افغانستان اسلامي امارت د ریاستالوزراء د حکم پر بنسټ، مولوی نیاز محمد عابد د کندز ولایت د کرنې د رییس په توګه وګمارل شو او په رسمي ډول یې خپله دنده پیل کړه.
مولوی نیاز محمد عابد تر دې وړاندې د میدان وردګو ولایت د کرنې د رییس په توګه دنده ترسره کوله.
د ښاغلی عابد د پېژندنې په مراسمو کې د ولایت مقام د دفتر رییس مولوي عبدالـمؤمن حمید، یو شمېر ولایتي مسؤولینو، علماوو، مجاهدینو او یوشمېر سیمه ییزو چارواکو کډون درلود.
د ولایت مقام د دفتر رییس په خپلو خبرو کې وویل، چې ادلون بدلون د اسلامي امارت په نظام کې د شریعت یو مهم اصل دی او د همدې بنسټ پر اساس مولوي نیاز محمد عابد چې، مخکې یې د میدان وردګو د کرنې رئیس په توګه کار کاوه، د کندز د کرنې رییس وټاکل شو.
هغه ټینګار وکړ چې مسؤلین باید د شریعت د رهنمودونو او اداري اصولو پر بنسټ په اخلاص دندې ترسره کړي څو خلکو ته اغېزمن خدمتونه ورسوي.
