د کندز خان آباد کې پر یوشمېر مالدارانو د شړمبو شاربلو ماشینونو وېشل
۵ غبرګولی ۱۴۰۳ه.ش
۱۶ ذوالقعده ۱۴۴۵ه.ق
د کندز د کرنې، اوبولګولو او مالدارۍ ریاست په هڅو د افغانستان لپاره د هالینډ کمېټې په تخنیکي همکارۍ ددې ولایت د خان آباد په ولسوالی کې یوشمېر مالدارانو ته د شړومبو شاربلو ماشینونه ورکړل شوي دي.
د شړمبو شاربلو دغه ماشینونه په هېواد کې د مالدارۍ د سکتور د پياوړتيا په موخه د یادې ولسوالۍ د مسوولينو په شتون کې د خیلي ګدا او سیداحمد کلیو مالدارانو ته ووېشل شول.
د افغانستان لپاره د هالینډ کمېټه په کندز کې د مالدارۍ سکتور پیاوړتیا لپاره د واکسینونو، چینجیو ضد درملو، حیواني خوراکي او نورو برخو کې د مالدارانو لاسنېوي کوي.
