د کندز خان آباد کې لسګونو مالدارانو سره د څارویو دخوراکي توکو او پرازیت ضد درملو مرستې وشوې
دکندز ولایت په خان آباد ولسوالی کې پر هغو ۵۰ بې وزلو مالدارانو د څارویو خوراکي توکي او دپرازیت ضد شربتونه ووېشل شول، چې د کرنې ریاست سره په همغږۍ د اکتید موسسې له خوا سروې او پېژندل شوي وو.
دغه مرستې دکندز دکرنې رياست په همغږۍ د اکتید دفتر له خوا په ۵۰ اړمنو کورنيو وېشل شوي دي.
ددې مرستې په لړ کې هر مالدار ته دوه سوه کيلو ګرامه کنجاره، او ۲۰۰۰ سي سي د پرازيت ضد شربت د کند د کرنیزو چارو مدیریت استازي او د يادې ادارې مسوولينو په حضور کې ورکړل شوي دي.
دغه راز یادو مالدارانو ته د کندز دکرنې ریاست د کارکوونکو له خوا د یادو توکو د کارونې د څرنګوالي په اړه لازمې لارښوونې هم وشوې.
د څارویو د خوراکي توکو د وېش موخه د مالدارو ملاتړ، د اقتصادي کچې لوړول او د هغوی پر ځان بسیا کول دي.
