د کرنې په برخه کې د ډاکټرتتسوناکامورا چوپړونه

mail-admin
شنبه ۱۳۹۹/۹/۱۵ - ۱۴:۲۳
د کرنې په برخه کې د ډاکټرتتسوناکامورا چوپړونه


ډاکټرتتسوناکامورد چاپان هېواد اوسیدونکی وه، ښاغلي ناکامورلوړې زده کړې د چاپان هېواد دکیوشو پوهنتون په طبې څانګه کې ترسره کړې وې. ناکامورا په ۳۸ کلنۍ کې، د جذام ناروغانو د مرستې لپاره پاکستان ته لاړ او هلته د ګډوالو په یوکمپ کې، چې ډېری برخوال یې افغانان و دنده پیل کړه او "د پیښور کای " په نوم یې یوه موسسه جوړه کړه. دوه کاله وروسته په ۱۹۹۱یم کال جلاباد ته راغی ترڅو له افغانو ناروغانو سره مرسته وکړي. ډاکټرناکامورا له ۱۹۹۱يم زېږديز کال څخه د هېواد په ختیځو ولایتونو او په ځانګړي توګه په ننګرهار ولایت کې د کرنې او روغتیا په برخه کې کړنې ترسره کولې. ترڅو د ننگرهار شاړې ځمکې شنې کړي او خلکو ته د څښاک پاکې اوبه چمتو کړي.
په ننګرهارولایت کې د تتسوناکامورا لاسته راوړنې:
۱- د اوبولګولو بندونه او سربندونه جوړول.
۲- کوز کونړ ولسوالۍ کې د کونړ پرسیند د مروارید کانال جوړول، چې ددي کانال په واسطه دګمبیري په دښته کې له ۵۰ هکټاره څخه زیاته ځمکه کې مصنوعي ځنګلونو جوړ شوي.
۳- له ۲۰۰جریبه څخه په زیاته ځمکه یې د سټروسو بڼونه جوړکړې دي.
۴- د بهسودو ولسوالۍ د بهراباد کانال او سربند جوړل.
۵- د بهسودو ولسوالۍ د میرانو کانال او سربندجوړول.
۶- د کامې ولسوالۍ کانال او سربند جوړول.
۷-د کوزکونړ کاشکوټ کانال اوسربندجوړول.
۸- د اوبولګولو روزنيز مرکز جوړول .
۹-د یوې استنادې دیوال جوړول، چي سلګونو جریبه ځمکه يې د سېلابونو له ګواښه خوندي کړي دي.
۱۰- دبېلابېلو بوټو نرسرۍ يې جوړې کړي دي.  
۱۱- د ناکامورا په نوم یو پارک جوړول . او دغه راز د ښاغلي ډاکټرتتسو ناکامورا په مرسته په یاد ولایت کې په ټوليزه توګه ١٠ زره هکټاره ځمکه دده دکانالونو په مرسته خړوبه شوې ده.
هغه یوازې انسانیت ته د خدمت کولو په موخه افغانستان ته راغلی وو. ښاغلی ډاکټرتتسوناکامورا ۳۰ کاله د افغانانو خدمت وکړ. ښاغلی ناکامورا چې په افغانستان کې یې د "کاکامراد" په  نوم شهرت درلود تېرکال د لېندۍ میاشتې په ۳۰نېټه په جلال اباد ښار کې د نامعلومو وسلوالو لخوا په ډزو ووژل شو. د مرحوم کاکا مراد مړېنه په ملي او نړویواله کچه له پراخوغبرګونو سره مخ شوه او د هغه دښو خدمتونو د ترسره کولو په موخه په خوست ولایت کې دهغه په نوم یوه څلولارې و نومول شوه.
-------------
کاکامراد، د انسان‌دوستۍ اتل
تتسوناکامورا ۱۵ سپټامبر۱۹۴۶-۴ډسامبر۲۰۱۹

تازه ترین اخبار

شنبه ۱۴۰۴/۴/۷ - ۱۵:۴۸
Background image

د کرنې وزارت د اراضۍ لوی رياست لخوا ماليې وزارت ته ځمکه ولېږدول شوه

۷ چنګاښ ۱۴۰۴ ه‍.ش
۱ مُحَرَّمُ الحَرام ۱۴۴۷ه‍.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد. . .

شنبه ۱۴۰۴/۴/۷ - ۱۵:۴۴
Background image

د ننګرهار بټي کوټ کې لسګونو بزګرانو سره د جوارو اصلاح شوي تخمونو او کرنیزو وسایلو مرسته وشوه

۷ چنګاښ ۱۴۰۴ ه‍.ش
۱ مُحَرَّمُ الحَرام ۱۴۴۷ه‍.ق
د ننګرهار د کرنې، اوبو لګولو او مالدارۍ ریاست سره په همغږۍ د کورډیډ مؤسسې په مالي او د افغانستان د کلیو بیا ودانولو مؤسسې «آر،آر،اې،اې». . .

شنبه ۱۴۰۴/۴/۷ - ۱۵:۴۴
Background image

د کرنې وزارت د عشر او زکات لوی رییس د بغلان ولایت له سیمه ییزو چارواکو سره وکتل 

۷ چنګاښ ۱۴۰۴ ه‍.ش
۱ مُحَرَّمُ الحَرام ۱۴۴۷ه‍.ق
د کرنې، اوبولګولو او مالدارۍ وزارت دعشر او زکات لوی رییس الحاج مولوی ندا محمد عابد د کرنې، اوبو لګولو او مالدارۍ د وزیر الحاج مولوی. . .

بازگشت