د کرنې وزیر: د لبنیاتو د تولید په برخه کې باید پر ځان بسیاشو

user-admin
دوشنبه ۱۳۹۹/۱۰/۱۵ - ۱۶:۵۶
وزیر زراعت: خودکفایی در بخش تولید لبنیات، از اولویت‌های اساسی است

۱۵ مرغومې ۱۳۹۹
په هغه غونډه کې، چې د کرنې، اوبولګولو او مالداۍ وزیر ډاکټر انوارالحق احدي ته د خلکو په ګډون د کرنې او مالدارۍ پروژې «CLAP» او له دویم ملي لومړيتوب څخه د ملاتړ پروژې «SNaPP2» د ۱۳۹۹یم مالي کال د فعالیتونو په موخه د مالوماتو وړاندې کولو او د ۱۴۰۰ام مالي کال د برنامو وړاندې کولو په موخه په لاره اچول شوې وه، د کرنې وزیر د لبني محصولاتو په برخه کې د افغانستان په پر ځان بسیاینه ټینګار وکړ.
د کرنې وزارت د یادو پروژو رییس مصطفی حامد ضیا، په دې غونډه کې وویل، چې په ۹۹یم مالي کال کې د کلپ پروژې له لارې یاد وزارت د کابل، لوګر، پروان، بلخ، هرات، لغمان او ننګرهار په ولایتونو کې د اوبولګولو ۲۴ کانالونه جوړ کړي دي. هغه وویل، چې په یادو ولایتونو کې د ۴۱ نورو کانالونو رغنیزې چارې هم روانې دي.
ښاغلی ضیا زیاته کړه، چې په ۹۹یم مالي کال کې د کلپ پروژه، د کابل په ریشخور کې د لبنیاتو د پروسس د ترټولو سترې فابریکې رغنیزې چارې هم چټکه کړه او ددې فابریکې ۹۸ سلنه رغنیزې چارې بشپړ شوي دي. د ښاغلي ضیا په خبره، په ۹۹یم مالي کال کې د کلپ پروژه، نږدې ۹۷۲ میلیونه افغانۍ بودیجه درلود او د ۱۴۰۰ام مالي کال لپاره هم ۸۶۰ میلیونه افغانۍ بودیجه لري.
د کلپ د پروژې رییس وویل، چې په ۱۴۰۰ام مالي کال کې یاده پروژه د اوبولګولو، مالدارۍ، د لبنیاتو د تولید او پروسس د پراختیا، کرنیزې څېړنې، په مېرمنو د چرګانو روزنې وړې او لویو فارمونو وېش او کوچیانو ته د مالدارۍ د چوپړتیاوو د وړاندې کولو په برخو کې کار کوي. هغه ټینګار وکړ، چې په ۱۴۰۰ام مالي کال کې یاده پروژه، د ریشخور د لبنیاتو فابریکې رغنیزې چارې په بشپړه توګه بشپړوي او په ټکنالوژۍ او توکو سره یې سمبالوي.
دغه راز مصطفی حامد وویل، چې له دویم ملي لومړیتوب څخه دملاتړ پروژه یا SNaPP2 د ۱۴۰۰ام مالي کال لپاره ۷۰۰ میلیونه افغانۍ بودیجه لري. هغه وويل، چې ددې پروژې له لارې داوبولګولو د۲۰ کانالونو رغنيزې چارې بشپړيږي او دشېدې ورکوونکو غواوو په وېش سره د بېوزله کورنيو ملاتړ کيږي. ښاغلی ضيا وويل، چې دخصوصي سکټور ملاتړ، دوړو او منځنيو سوداګريو ملاتړ او دشنوخونو جوړول په ۱۴۰۰مالي کال کې ديادې پروژې نور فعاليتونه دي.
په همدې حال کې دکرنې وزير ډاکټر انوارالحق احدي دچرګانو روزنې دبرخې په سوداګریز کېدل او دغه راز دلبنياتو دتوليد په برخه کې د افغانستان په پر ځان بسياينه ټينګار وکړه. ښاغلی احدي وويل، چې دشونتيا په صورت کې بايد دچرکانوروزنه سوداګريز شي او دغه راز ديادو دوو پروژو فعاليتونه نورو ولايتونو ته هم وغځيږي.
دکرنې وزير وويل، چې دلبني توليداتو په برخه کې افغانستان ځان بسياينې ته رسول دهغه له اسټراټيژيکو برنامو څخه دی.

 

تازه ترین اخبار

پنجشنبه ۱۴۰۴/۴/۱۹ - ۱۰:۲۳
Background image

د کرنې وزارت د پلان لوی رییس په افغانستان کې د خوړو نړۍوال پروګرام له چارواکو سره وکتل 

۱۹ چنګاښ ۱۴۰۴ ه‍.ش
۱۴ مُحَرَّمُ الحَرام ۱۴۴۷ه‍.ق
د کرنې، اوبولګولو او مالدارۍ وزارت د پروګرامونو د همغږۍ او پلان لوی رییس مولوي عبدالغفور په مشري، په افغاستان کې د خوړو نړۍوال پروګرام. . .

چهارشنبه ۱۴۰۴/۴/۱۸ - ۱۵:۳۵
Background image

د پکتیا دکرنې ریاست: د راضۍ لوی ریاست پلاوی د فیروز خېلو سیمې له کورونو څخه لیدنه وکړه

۱۸ چنګاښ ۱۴۰۴ ه‍.ش
۱۳ مُحَرَّمُ الحَرام ۱۴۴۷ه‍.ق
د کرنې وزارت د اراضۍ لوی ریاست لخوا پلاوی د پکتيا ولايت احمد آباد ولسوالی د فیروز خېلو سيمې له کورونو او جايدادونو څخه ليدنه وکړه.
د ياد. . .

چهارشنبه ۱۴۰۴/۴/۱۸ - ۱۵:۵
Background image

د کرنې او مالدارۍ مرستیال د کوچیانو چارو د سمون لوی ریاست له چارواکو سره وکتل

۱۸ چنګاښ ۱۴۰۴ ه‍.ش
۱۳ مُحَرَّمُ الحَرام ۱۴۴۷ه‍.ق
د کرنې او مالدارۍ مرستیال او د کرنې، اوبو لګولو او مالدارۍ وزارت سرپرست مولوی صدراعظم عثماني، د سرحدونو، قومونو او قبایلو وزارت د. . .

بازگشت