د کرنې وزارت لخوا کډوالو او بېرته راستنېدونکو چارو وزارت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ ریاست کې جوړه شوې غونډه کې، چې د اراضۍ ریاست د ځمکو د انتقال او وېش رییس مولوي سید محمد سعيد او د او د کډوالو او بېرته راستنېدونکو چارو وزارت د راستنېدنکو او بيا مېشتېدنې رييس مولوي شکرالله شاکر ګډون درلود، د اراضۍ رياست لخوا د کډوالو او بېرته راستنېدونکو چارو وزارت ته ځمکه ولېږدول شوه.
ياده ځمکه د کډوالو او بېرته راستنېدنکو چارو وزارت په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد وزارت ته د کابل ولايت پغمان ولسوالۍ کې په ۱۱۳۸ جريبه ځمکه باندې د مهاجرینو د ښارګوټي د جوړولو په موخه ولېږدول شوه.
د یادې ځمکې لېږد ټړون د کرنې وزارت د اراضۍ ریاست د ځمکو د انتقال او وېش رييس مولوي سيد محمد سعید اود کډوالو او بېرته راستنېدونکو چارو وزارت د راستنېدنکو او بيا مېشتېدنې رييس مولوي شکرالله شاکر ترمنځ لاسلیک شوه.
