د کرنې وزارت د پلان او پروګرامونو د همغږۍ رییس د خوړو نړۍوال پروګرم له چارواکو سره وکتل
د کرنې، اوبو لګولو او مالدارۍ وزارت د پلان او پروګرامونو د همغږۍ لوی رییس مولوي عبدالغفور په مشرۍ، په افغانستان کې د خوړو نړۍوال پروګرام «ډبلیو.اف.پي» چارواکو سره د کرنې سکتور د متخصصینو په شتون کې غونډه وشوه.
په دې لیدنه کې، د پلان لوی رییس د خوړو نړۍوال پروګرام له چارواکو څخه د دوی د هڅو او همکاریو مننه وکړه او ټینګار یې وکړ چې د دواړو خواوو ترمنځ به د افغانستان د کرنیز سکتور د پراختیا په برخه کې همکاریو ته دوام ورکړل شي.
همدارنګه ددې غونډې په ترڅ کې په دې هم خبرې اترې وشوې، چې د کرنې وزارت د لومړیتوبونو مطابق به د کرنیز سکتور د ارزښت ځنځیر پر پیاوړتیا او پرمختګ کار وشي.
