د کرنې وزارت د مرکزي ریاستونو رییسانو لپاره د مدیریتي او رهبرۍ مهارتونو ورکشاپ پیل شو

mail-admin
یکشنبه ۱۴۰۵/۷/۱۲ - ۱۲:۵۶
آغاز ورکشاپ  مهارت‌های مدیریتی و رهبری برای رؤسای ریاست‌های مرکزی وزارت زراعت

۱۲ تله ۱۴۰۵ هـ.ش
۲۱ رَبِیعُ الْثاني ۱۴۴۸ هـ.ق
د مدیریتي او رهبرۍ مهارتونو پنځه‌ورځنی ورکشاپ، د کرنې، اوبولګولو او مالدارۍ وزارت د مرکزي ریاستونو د څه باندې ۵۰ تنو رییسانو په ګډون، پیل شو.
دغه روزنیز پروګرام د ملکي خدمتونو انستیتیوت او د کرنې، اوبولګولو او مالدارۍ وزارت د کارکوونکو چارو ریاست له لوري جوړ شوی، چې په ترڅ کې یې د بېلابېلو اداري، مدیریتي او رهبرۍ موضوعاتو په اړه خبرې اترې او اړینې روزنې وړاندې کېږي.
د دغه پروګرام د پرانیستې په مراسمو کې د کرنې وزارت د دفتر رییس مفتي عبدالغفور بخاري، د وزارت د کارکوونکو چارو رییس مولوي شمس‌الله محمد او د ملکي خدمتونو انستیتیوت رییس قاري اسدالله هارون د دغه ډول روزنیزو پروګرامونو د جوړېدو د اهمیت او اړتیا په اړه ویناوې وکړې.
د کرنې وزارت د دفتر رییس زده‌کړه، د ظرفیت لوړول، د پوهې د کچې زیاتول او د مدیریت له اصولو سره بلدتیا د هرې ادارې لپاره له مهمو موضوعاتو څخه وبلل او د اسلام په مبین دین کې یې هم د زده‌کړې پر اهمیت ټینګار وکړ.
همدارنګه، د وزارت د کارکوونکو چارو رییس د دې ریاست د مرکزي او ولایتي فعالیتونو په اړه معلومات وړاندې کړل او ویې ویل، چې د سلګونو تنو کارکوونکو او د پوهنتونونو محصلینو لپاره روزنیز پروګرامونه جوړ شوي او دغه بهیر به دوام ولري.
د ملکي خدمتونو انستیتیوت رییس هم د حکومتي کارکوونکو، د پوهنتونونو محصلینو او د هېواد د ځوانانو د روزنې او ظرفیت لوړولو د اهمیت په اړه خبرې وکړې او په راتلونکو کلونو کې یې د دغه بنسټ د روزنیزو پروګرامونو پر دوام ټینګار وکړ.
دغه روزنیز پروګرام به پنځه ورځې دوام وکړي او د استاد احسان‌الله مصلح له لوري وړاندې کېږي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت