د کرنې وزارت د اراضۍ لوی رياست له خوا ترانسپورت او هوايي چلند وزارت ته ځمکه ولېږدول شوه

۱۴ لړم ۱۴۰۳ه‍.ش
۲ جُمَادَى الأول ۱۴۴۶ه‍.ق
د کرنې، اوبولګولو او مالدارۍ وزارت د اراضۍ لوی رياست له خواه ترانسپورت او هوايي چلند وزارت سره د ۱۱۰۴ جريبه د ځمکې د لېږد تړون تړلاسليک شو.
یاده ځمکه د ترانسپورت او هوايي چلند وزارت د (۱۹۶) ګڼې ۱۹/۱۱/۱۴۴۵ نېټې وړانديز او د عالیقدر امیرالمؤمنین (حفظه الله تعالی) د (۵۸۷۹) ګڼې ۱/۱۲/۱۴۴۵ نېټې حکم په اساس فارياب ولايت دولت آباد او قرمقول ولسواليو کې په (۵۰۰) جريبه ځمکه باندې د تير پارکونو او خانچارباغ ولسوالۍ کې په (۱۱۰۴)  جريبه ځمکه باندې د مسافر وړونکو او بار وړونکو موټرو لپاره د ترمينل د جوړولو په موخه د اراضۍ لوی رياست لخوا ترانسپورټ او هوايې چلند وزارت ته ولېږدول شوه.
د يادې ځمکې لېږد تړون د کرنې وزارت د اراضۍ ریاست د استملاک او بيا مېشتدنې لوی رییس مولوي عبدالعلي عمري، د ځمکو د انتقال او وېش رییس مولوي سيد محمد سعيد او د ترانسپورت او هوايي چلند وزارت د پروژو د پلانګذارۍ د تحقیق او تطبيق رییس داکتر رستم حفيظیار د ترمنځ لاسلیک شو.