د کرنې وزارت د اراضۍ لوی رياست لخوا کډوالو او بېرته راستنېدونکو چارو وزارت ته ځمکه ولېږدول شوه
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد او د او د کډوالو او بېرته راستنېدونکو چارو وزارت د دعوت او بېرته يوځاي کېدلو رييس مولوي شکرالله شاکر ګډون درلود، د اراضۍ لوی رياست لخوا د کډوالو او بېرته راستنېدونکو چارو وزارت ته ځمکه ولېږدول شوه.
ياده ځمکه د ریاست الوزراء اداري معاونیت د کډوالو ستونزو ته د رسېدنې دارالانشاء عالي کمیسیون په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد وزارت ته د سرپل ولايت سید آباد ولسوالی کې په ۱۲۱۲.۲ جريبه ځمکه باندې د کډوالو د ښارګوټي د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او کډوالو او بېرته راستنېدونکو چارو وزارت د دعوت او بېرته يوځاي کېدلو رييس مولوي شکرالله شاکر ترمنځ لاسلیک شوه.
