د کرنې وزارت د اراضۍ لوی رياست لخوا ارشاد، حج او اوقافو وزارت ته ځمکه ولېږدول شوه
۲۳ غویی ۱۴۰۴ ه.ش
۱۵ ذُو ٱلْقَعْدَةِ ۱۴۴۶ه.ق
د کرنې، اوبولګولو او مالدارۍ وزارت د اراضۍ لوی ریاست کې جوړه شوې غونډه کې، چې د اراضۍ لوی ریاست د ځمکو د انتقال او وېش رییس مولوي سید محمد سعيد د ارشاد، حج او اوقافو وزارت د اوقافو رييس مولوي حمدالله اخندزاده ګډون درلود د اراضۍ لوی رياست لخوا د ارشاد، حج او اوقافو وزارت وزارت ته ځمکه ولېږدول شوه
ياده ځمکه د ا.ا.ا د چارو ادارې د ښاروالیو چارو د همغږۍ عمومي رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ لوی رياست لخوا یاد وزارت ته کابل ولايت چهار آسياب ولسوالۍ کې په ۳ جريبه ځمکه باندې د عیدګاه جومات او د جنازې ځای د جوړولو په موخه انتقال شوه.
د یادې ځمکې لېږد ټړون د کرنې وزارت د اراضۍ ادارې د ځمکو د انتقال او وېش رييس مولوي سيد محمد سعید او د ارشاد، حج او اوقافو وزارت د اوقافو رييس مولوي حمدالله اخندزاده ترمنځ لاسلیک شوه.
