د کرنې وزارت د اراضۍ رياست لهخوا ارشاد، حج او اوقافو وزارت ته ځمکه ولېږدول شوه
۱۶ سلواغه ۱۴۰۴ه.ش
۱۷ شَعبان المُعَظّم ۱۴۴۷ه.ق
د کرنې، اوبولګولو او مالدارۍ وزارت د اراضۍ ریاست د استملاک او بيا مېشتېدنې رياست کې جوړه شوې غونډه کې، چې د استملاک او بيا مېشتېدنې رييس او د دغه ریاست کفیل مولوي عبدالعلي عمري، د ځمکو د انتقال او وېش ريیس حافظ عبدالکبير زاهد او د ارشاد، حج او اوقافو وزارت د اوقافو عمومي رييس مولوي حمدالله اخندزاده ګډون درلود یاد وزارت ته ۲۵۰ جریبه امارتي ځمکه ولېږدول شوه.
ياده ځمکه د کرنې وزارت د اراضۍ ریاست د ځمکو د انتقال او وېش رياست په وړانديز او د عالیقدر امیرالمؤمنین (حفظه الله تعالی) د حکم په اساس د اراضۍ رياست لهخوا ياد وزارت ته د سمنګان ولايت مرکز کې په ۲۵۰ جريبه باندې د مړو لپاره د عمومي حضيرې د جوړولو په موخه ولېږدول شوه.
د یادې ځمکې د لېږد ټړون د کرنې وزارت د اراضۍ ریاست د استملاک او بيا مېشتېدنې رييس او د دغه ادارې کفیل مولوي عبدالعلي عمري، د ځمکو د انتقال او وېش رییس حافظ عبدالکبير زاهد او د ارشاد، حج او اوقافو وزارت د اوقافو لوی رييس مولوي حمدالله اخندزاده ترمنځ لاسلیک شو.
