د کرنې وزارت او ملي احصایې ادارې ترمنځ د همغږۍ غونډه ترسره شوه

user-admin
پنجشنبه ۱۴۰۵/۷/۹ - ۱۳:۲۲
جلسه هماهنگی میان وزارت زراعت و اداره ملی احصائیه برگزار شد

٩ تله ۱۴۰۵ هـ.ش

١٨ رَبِیعُ الْثاني ۱۴۴۸ هـ.ق
د کرنې، اوبو لګولو او مالدارۍ وزارت او ملي احصایې ادارې ترمنځ تخنیکي او د همغږۍ غونډه، د کرنې، اوبو لګولو او مالدارۍ وزارت د کرنې او مالدارۍ مرستیال مولوي صدراعظم عثماني په مشرۍ، د دغه وزارت د پلان او پروګرامونو د همغږۍ په لوی ریاست کې ترسره شوه.
په دې غونډه کې د کرنې وزارت د پلان او پالیسۍ لوی رییس مولوي عبدالعلي عمري، د ملي احصایې ادارې د جغرافیایي معلوماتو عمومي رییس حاجي ملا هدایت‌الله ابوتراب، د دواړو ادارو یو شمېر رییسانو او تخنیکي کارپوهانو ګډون کړی و.
په غونډه کې دواړو لورو د کرنې، مالدارۍ او بڼوالۍ د احصایو او معلوماتو او نورو ګډو موضوعاتو په اړوندو برخو کې د لا ډېرې همغږۍ او همکارۍ پر رامنځته کولو بحث او د نظرونو تبادله وکړه.
همدارنګه، د کرنې وزارت د بېلابېلو برخو اړوند د احصایو او معلوماتو د سروې، ارزونې، راټولولو، تنظیم او کارونې څرنګوالی هم تر بحث لاندې ونیول شو او د یادو چارو پر معیاري او تخنیکي پرمخ بېولو ټینګار وشو.
مولوي صدراعظم عثماني د کرنې، اوبو لګولو او مالدارۍ وزارت او ملي احصایې ادارې ترمنځ د همغږۍ او همکاریو پر پیاوړتیا ټینګار وکړ او ویې ویل، چې د دواړو ادارو ترمنځ همغږي کولای شي د کرنې، مالدارۍ او بڼوالۍ د برخو د اړتیا وړ احصایو او معلوماتو د راټولولو، تنظیم او کارونې بهیر په ښه والي کې اغېزمنه تمامه شي.
په پای کې، دواړو لورو د احصایوي، معلوماتي او نورو اړوندو موضوعاتو په برخو کې د لا زیاتو همکاریو او همغږۍ پر دوام، د دندو د تفکیک او د دواړو ادارو د وظیفوي مسؤولیتونو په چوکاټ کې، ټینګار وکړ.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت