د کرنې د پراختیا صندوق ۱۱۱ میلیونه افغانۍ پور منظور کړ

content_admin
پنجشنبه ۱۳۹۹/۸/۱۵ - ۱۲:۴۲
د کرنې د پراختیا صندوق ۱۱۱ میلیونه افغانۍ پور منظور کړ

۱۵ لړم ۱۳۹۹
د کرنیزو پورونو د منظوری د کمېټې غونډه، چې د کرنې په وزارت کې په لاره اچول شوې وه، له وړاندې شویو معلوماتو او د کمېټې د غړو پوښتنو ته د قناعت وړ ځوابونو ورکولو وروسته د ۱۱۱میلیونه کرنیزو پورونو ورکړه منظور او تایید کړ.
دغه غونډه، چې د پورونو د منظوری د کمېټې مشر محبوب الله ننګ په مشری او د کرنې پراختیا صندوق د چارواکو په شتون کې په لاره اچول شوې وه، د شپږو سترو کرنیزو فعالیتونو په پار ۱۱۱ میلیونه پور منظور کړ.
منظور شوي پور کې شپږ مورده، شامل دي، چې درې مورده یې د کرنیزو ماشین الاتو او شرکتونو تجهیزاتو پورې تړې ده، چې له دغو پورونو څخه په استفادې سره کرنیز ماشینونه له ډلې ټراکټورونه پېرل کیږي.
څلورم مورد پور د پنبې د پروسس یو شرکت پورې تړلې ده، چې یاد شرکت له دې پور څخه په استفادې سره له بزګرانو پنبه پېري. د پور پنځم او شپږم موردونه د زعفرانو د پروسس شرکت او سیلو اړوند دي. دغه شرکتونه د زعفرانو او اوړو د پېر په پار پورونه اخلي.
ایمل آرمان د کرنې د پراختیا صندوق اجرایي مشر وایي، چې په دې سختو شرایطو کې یې بزګران نه دي هېر کړي او دې ته ژمن دی، چې د دوی د اړتیا وړ پورونه په خپل وخت د دوی په واک کې ورکړي.
د کرنې د پراختیا صندوق یو مالي دولتي غیر بانکي بنسټ دی، چې د کرنې، اوبولګولو او مالدارۍ وزارت تر چتر لاندې فعالیت کوي. د افغانستان د کرنې د ودې او ښه کولو په موخه د مالي منځکړیو او پور ورکولو له لارې سوداګریزو بزګرانو او سوداګرو ته پورونه ورکول ددې صندوق عمده دندې دي.
یاد صندوق د خپل تاسیس له پیل څخه تردې دمه ۱۲.۲ میلیارډه افغانۍ پور منظور او کرنیزو سوداګرو، کوپراټیفونو، د کرنې او مالدارۍ ټولنو، مالي منځګړیو، د غواساتنې، کب روزنې او چرګانو روزنې فارمونو، د وچ او تازه مېوو صادروونکو او پروسس کوونکو، د اوړو د تولید فابریکو، د کرنیزو تو کو د تولید شرکتونو، مغازو او د کیمیاوي سرو واردوونکو او د کرنې برخې پر سوداګرو ۳.۹میلیارډه افغانۍ وېشلي دي. له دغو چوپړونو څخه په ۳۲ ولایتونو کې ۵۳زره او ۴۵۱ بزګران په مستقیم ډول برخمن شوي دي.
د کرنې د پراختیا صندوق د افغانستان د کرنې د سکټور د تمویل مخکښ مرجع بلل کیږي، چې مرکزي دفتر یې په کابل کې ده او په بلخ، هرات، کندهار او ننګرهار کې هم سیمه ییز دفترونه لري.

 

تازه ترین اخبار

چهارشنبه ۱۴۰۴/۸/۷ - ۱۵:۳۹
Background image

د کندهار دوو ولسوالیو کې پر سلګونو بزګرانو د غنمو اصلاح شوي تخم او کیمیاوي سرې ووېشل شوې

۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د کندهار د کرنې، اوبولګولو او مالدارۍ ریاست په هڅه او له جرمونو او مخدره توکو سره د ملګرو ملتونو د مبارزې دفتر (یو.ان.او.ډې.سي) په مالي ملاتړ،. . .

چهارشنبه ۱۴۰۴/۸/۷ - ۱۴:۲۹
Background image

دلغمان دولت شاه ولسوالی دګډیالې ځنګل کې لګېدلی اور مهار شو

۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د لغمان د کرنې، اوبولګولو او مالدارۍ رییس مولوي عبدالستار محمد په مشرۍ یو ګډ پلاوی د دولت‌شاه ولسوالی د ګډیالې ځنګل ته د اور د مهارولو لپاره. . .

چهارشنبه ۱۴۰۴/۸/۷ - ۱۲:۳۵
Background image

د کندهار دوو ولسوالیو کې نږدې ۱۷ زره کوچني څاروي د طاعون ناروغۍ پر ضد وقایوي واکسین شول

۷ لړم ۱۴۰۴ هـ.ش
۷ جُمَادَى الأول ۱۴۴۷ هـ.ق
د کرنې، اوبولګولو او مالدارۍ ریاست په هڅو او د ملګرو ملتونو د خوړو او کرنې ادارې «اف.اې.او» په مالي ملاتړ، د کندهار د رېګستان او دامان په. . .

بازگشت