د کرنې او مالدارۍ مرستیال له روسي پانګه‌والو سره وکتل

mail-admin
سه‌شنبه ۱۴۰۵/۷/۱۴ - ۱۵:۱۷
معین زراعت و مالداری با سرمایه‌گذاران روسی دیدار کرد

۱۴ تله ۱۴۰۵ هـ.ش
۲۳ رَبِیعُ الْثاني ۱۴۴۸ هـ.ق
د کرنې، اوبولګولو او مالدارۍ وزارت د کرنې او مالدارۍ مرستیال مولوي صدراعظم عثماني، د روسیې د «TEXHOTEKC» شرکت له اجرائیوي رییس آدامیان سورن راچیکوویچ او ورسره مل پلاوي سره په خپل کاري دفتر کې وکتل او خبرې یې وکړې.
په دې لیدنه کې دواړو لورو په افغانستان کې د کرنې او کیمیاوي سرو د تولید په برخو کې د پانګونې پر فرصتونو بحث او د نظرونو تبادله وکړه.
د کرنې او مالدارۍ مرستیال په هېواد کې د پانګونې پر اهمیت ټینګار وکړ او ویې ویل، چې د کرنې، اوبولګولو او مالدارۍ وزارت چمتو دی، هغو بنسټونو، مؤسسو، شرکتونو او هېوادونو ته چې په افغانستان کې د پانګونې لېوالتیا لري، لازمې اسانتیاوې او زمینه برابره کړي.
په ورته مهال، د روسي شرکت اجرائیوي رییس آدامیان سورن راچیکوویچ په افغانستان کې د کرنې او کیمیاوي سرو د تولید په برخو کې د دغه شرکت لېوالتیا څرګنده کړه او ویې ویل، چې په لومړي پړاو کې به له روسیې څخه افغانستان ته کیمیاوي سره واردې شي او په بل پړاو کې به په هېواد کې د کیمیاوي سرو د تولید فابریکه جوړه شي.
د کرنې، اوبولګولو او مالدارۍ وزارت مشرتابه د کرنې سکټور د پراختیا او د کورنیو تولیداتو د زیاتوالي په موخه تل هڅه کوي، چې د پانګه‌والو د هڅونې او د مناسبو فرصتونو د برابرولو له لارې، د کرنې په بېلابېلو برخو کې د ملي او نړیوالو سوداګرو او مؤسسو د پانګونې لپاره زمینه برابره کړي.

تازه ترین اخبار

شنبه ۱۴۰۵/۸/۳۰ - ۱۶:۱۳
Background image

ننګرهار کې ۱۰۰ تنو د ستروسو او سبو پروسس کوونکو ته د ۲.۶ میلیونه افغانیو په ارزښت وسایل ووېشل شول

۳۰ لړم ۱۴۰۵ هـ.ش
۱۰ جُمَادَى الثانی ۱۴۴۸ هـ.ق
د ننګرهار ولایت د کرنې، اوبو لګولو او مالدارۍ ریاست په هڅو، د «ډاکار» مؤسسې په تخنیکي همکارۍ او د ملګرو ملتونو د نشه‌یي توکو او جرمونو سره. . .

چهارشنبه ۱۴۰۵/۸/۶ - ۱۱:۵
Background image

نورستان کې سلګونو اړمنو بزګرانو ته د اصلاح شویو تخمونو او کیمیاوي سرو د وېش لړۍ پیل شوه

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د نورستان ولایت د کرنې، اوبو لګولو او مالدارۍ ریاست په همغږۍ، د خوړو او کرنې نړۍوالې ادارې «اف‌اې‌او» په مالي ملاتړ او د «اې‌وای‌اس‌او» مؤسسې. . .

چهارشنبه ۱۴۰۵/۸/۶ - ۹:۳۰
Background image

ننګرهار کې د غنمو ننداریزو کروندو لپاره اصلاح شوي تخمونه او کیمیاوي سرې ووېشل شوې

۶ لړم ۱۴۰۵ هـ.ش
۱۶ جُمَادَى الأول ۱۴۴۸ هـ.ق
د ننګرهار د کرنې، اوبو لګولو او مالدارۍ ریاست په تخنیکي همکارۍ او د کرنې وزارت په مالي ملاتړ، د دغه ولایت په اوو ولسوالیو کې د غنمو ننداریزو. . .

بازگشت