د ځنګلونو قاچاق او غير قانوني پرېکېدو د مخنيوي په پار خوست ته د اوبولګولو او طبيعي سرچينو مرستيال سفر

۸ ليندۍ ۱۴۰۰ هـ.ش
۲۳ ربیع الثاني ۱۴۴۳ هـ.ق
دکرنې، اوبولګولو او مالدارۍ وزارت د اوبولګولو او طبيعي سرچينو مرستيال مولوی شمس‌الدین شریعتي، خوست ولايت  ته د سفر په ترڅ کې ددې ولايت سيمه ييزو چارواکو ته د ځنګلونو د غيرقانوني پرېکېدو او قاچاق طرحه توضيح کړه.
 په دې اړه جوړه شوې غونډه کې د خوست ولايت امنيه قومندان مولوی محبوب شاه قانت، د خوست مرستيال والي
 مولوی محمد انور کوچی، د خوست د استخباراتو رئيس مولوی طوفان، د ماليې وزارت د ګمرکاتو مرستيال مولوی ساجد الله خبیر، د استخباراتو لوی رياست، کورنيو چارو وزارت، د سوداګرۍ او صنعت وزارت استازو او د خوست ولايت ولسوالان حضور درلود.
په پيل کې د اوبولګولو او طبيعي سرچينو مرستيال د يو هېواد د اقتصادي پياوړتيا په پار دکرنې، سوداګرۍ او صنعت د ونډې پر اهميت خبرې وکړې او د ځنګلونو د ارزښت په اړه يې مالومات وړاندې کړه او وروسته حاضرينو ته طرحه تشريح کړه.
ښاغلی شريعتي وويل:"ځنګلونه د هرهېواد د ارزښت وړ او سيمه ييزه پانګه ده، دکرنې وزارت د ځنګلونو ساتنې، بيارغونې او نويو ځنګلونو  احداث ته ژمن دی، په همدې موخه کابينه پرېکړه وکړه، چې پر دې موضوع بايد کار وشي او دا طرحه دې جوړه شي".
په دې ناسته کې د خوست ولايت يوشمېر سيمه ييزو چارواکو هم خبرې وکړې او ويې ويل، چې د ځنګلونو ساتنې په پار ځانونه مکلف او ژمن بولي او د خلکو په همکارۍ د ځنګلونو د پرېکېدو او قاچاق مخه نيسي.
په پای کې پرې کړه وشوه، چې د اسلامي امارت د مسؤلو اداراتو ګډه کمېټه دې جوړه او په ټاکلې وخت کې دې دلرګيو لېږد وارزوي او وروسته د لرګيو د قاچاق مخه ونيول شي.