د ځمکو چارو ریاست د بېلابېلو ریاستونو د مسوولینو فعالیتونو وارزول شول
په هغه غونډه کې چې د ځمکو چارو ریاست د رهبرۍ په مشرۍ د دغه رياست په مقام کې جوړه شوې وه، د استملاک او بیا میشتیدنې او د جیوډیزۍ او کدستر عمومي ریاستونو مسوولين او د دغو رياستونو د چتر لاندې څانګو مسوولينو هم ګډون کړی وو.
په پیل کې د ځمکو ادارې لوی رئیس ښاغلي ملا عبدالرحمن رحماني د ریاستونو د کار او دندو د ښه والي، د مراجعینو عرایضو ته د اسانتیا رامنځته کولو او همدارنګه د کارکوونکو تر منځ د سلسلې مراتبو د مرعاتولو په برخه کې خبرې وکړې.
په پای کې د رياستونو مسوولين د اراضی ادارې له رهبرۍ نه د مننه تر څنګ د کاري چارو د ښه والي په اړه يې خپل نظرونه څرګند او ژمنه يې وکړه، چې د خپلو دندو په ترسره کولو کې به له پوره ايماندارۍ او صداقت څخه کار واخلي.
