د ځمکو چارو ادارې سرپرست، ملا عبدالرحمن رحماني له خوا یو میاشتنۍ روزنیز ورکشاپ افتتاح شو
د ځمکو چارو ادارې سرپرست، ملا عبدالرحمن رحماني له خوا یو میاشتنۍ روزنیز ورکشاپ د يادې ادارې د تصفیې د برخې نوي ګمارل شويو کارکوونکو ته د ځمکو چارو معينيت په تالار کې ترسره پرانيستل شو.
ياد ورکشاپ د نویو ګمارل شويو کارکوونکو د ظرفیت د لوړولو، د ځمکو د تصفیې د چارو د ښه تنظیم او مدیریت او د ټولګټو پروژو د ښه او پر وخت تطبیق په موخه د یوې میاشتې لپاره په لاره اچول شوي.
په دغه روزنیز ورکشاپ، محترم ملا عبدالرحمن رحماني د پرانیستې پر مهال وویل چې ياد ورکشاپ د نویو ګمارل شويو کارکوونکو د ظرفیت د لوړولو لپاره په لاره اچول شوي او تمه ده چې د دې ورکشاپ په بشپړېدو سره د هېواد په کچه ټولګټو او پراختیايي پروژو تطبیق ته زمینه برابره شي.
همدارنګه، د استملاک لوی رييس خبرې وکړې او له ټولو ګډونوالو څخه يې وغوښتل چې په ورکشاپ کې د فعاله ونډه اخیستنې سربیره په صداقت او امانتداري سره سپارل شوي مسئولینونه په ښه توګه ترسره کړي.
په دغه روزنیز ورکشاپ کې ټولټال ۳۵ نوي ګمارل شوي کارکوونکو برخه اخیستې دي.
