د پکتیکا د اتو ولسوالیو په څه باندې ۲۱ زره اړمنو کورنیو خوراکي توکي ووېشل شول
۷ لړم ۱۴۰۱ه.ش
۳ ربیعالثانی ۱۴۴۴ ه.ق
د پکتیکا دکرنې، اوبولګولو او مالدارۍ ریاست د (او.آر.ډي) مؤسسې په همکارۍ ددې ولایت د اتو ولسوالیو«مرکز شرنه، ارګون، سروضه، زېړوک، یوسف خېل، یحی خېل، جاني خېل او خیرکوټ» په ۲۱۴۰۰ اړمنو کورنیو اړین خوراکي توکي وېشلي دي.
د چارواکو په خبره ددې مرستې په ترڅ کې د پکتیکا په مرکز شرنه کې ۵۵۰۰، ارګون کې ۴۴۰۰،سروضې کې ۱۵۵۰، زېړوک کې ۱۳۰۰، یوسف خېل کې ۱۹۰۰، یحی خېل کې ۲۱۰۰، خاني خېل کې ۲۰۰۰ او خیرکوټ ولسوالۍ کې په ۲۶۵۰ اړمنو کورنیو باندې اړین خوراکي توکي وېشل شوي دي.
ددې مرستې په ترڅ کې یاد هرې کورنۍ ته یوه بوجۍ ۵۰کیلویې اوړه، ۵لیټره غوړي، یو من دال، او د ماشومانو د خوارځواکۍ د مخنیوي توکي شامل دي.
د یادونې وړ ده، چې دا توکي د پنځم ځل لپاره پر یادو کورنیو وېشل شوي دي.
