د پکتیکا دکرنې رییس د اکټېډ مؤسسې له چارواکو سره وکتل
۸ غویی ۱۴۰۵ه.ش
۱۱ ذُو ٱلْقَعْدَةِ ۱۴۴۷ه.ق
د پکتیکا ولایت د کرنې، اوبو لګولو او مالدارۍ رییس مولوي لعل محمد ګوهر، د خپل کار په دفتر کې د«اکټېډ» مؤسسې له مسؤلینو سره وکتل.
په دې لیدنه کې د یادې موسسې استازو محمد عارف او حبیب الله، د خپلو تېر ترسره شویو فعالیتونو راپور له رییس سره شریک کړ او همدارنګه یې د راتلونکو پروژو او پلان شویو فعالیتونو په اړه مفصل معلومات وړاندې کړل.
د پکتیکا دکرنې رییس د «اکټېډ»مؤسسې له ترسره شویو هڅو څخه مننه وکړه او د راتلونکو پروژو د ښه تطبیق په موخه یې د هر ډول همکارۍ ډاډ څرګند کړ.
نوموړي ټینګار وکړ چې د پکتیکا د کرنې ریاست به د همغږۍ او لازمې اسانتیاوو برابرولو له لارې د پرمختیايي پروژو ملاتړ ته دوام ورکړي، څو د بزګرانو او مالدارانو ستونزې هوارې او د هغوی اقتصادي وضعیت لا پیاوړی شي.
