د پکتیا ډنډپټان کې ۵۰ کورنیو لپاره د چرګانو روزنې واړه فارمونه جوړیږي

۱۰ لېندۍ ۱۳۹۸
د کرنې، اوبولګولو او مالدارۍ وزارت؛ د بڼوالۍ او مالدارۍ ملي برنامې «NHLP» له خوا د بېوزله کورنیو د ملاتړ په لړ کې داځل د پکتیا په ډنډ پټان ولسوالۍ کې ۵۰ بېوزله کورنیو لپاره د هګیو چرګانو ۱۰۰ قطعه یې فارمونه جوړیږي.
د پکتیا د کرنې، اوبولګولو او مالدارۍ ریاست چارواکي وایي، چې پر دغو ۵۰ بېوزله کورنیو پر هرې کورنۍ د چرګانو روزنې اړوند توکي، چې په کې «۱۲دانه خوره، ۱۲ اب خورې، یوه دروازه او ۱۵ متره جالۍ» شامل دې وېشل شوي دي او په نږدې راتلونکي کې به پر دغو کورنیو پر هرې کورنۍ ۱۰۰ د هګیو چرګان هم ووېشل شي.
ددې پروژې له پلي کولو څخه موخه په پکتیاولایت کې د چرګانو روزنې صنعت ته پراختیا ورکول، په کور دننه مېرمنو ته د کار زمینه برابرول، د کورنیو د خوړو خوندیتوب او له دې لارې د بېوزله کورنیو اقتصادي پیاوړ تیا ده.