د پکتیا دکرنې رییس د ملګرو ملتونو دخوړو او کرنې ادارې له چارواکو سره وکتل
د پکتیا دکرنې، اوبولګولو او مالدارۍ رییس مولوی عبدلروف سعد د خپل کار په دفتر کې د ملګرو ملتونو د خوړو اوکرنې ادارې له چارواکو سره په کتنه کې پر بېلابېلو موضوعاتو خبرې اترې وکړې.
په دې غونډه کې په دوه اړخېزه همکاريو د بحث ترڅنګ د ښې همغږۍ په رامنځته کولو ټينګار وشو، همداراز د یادې ادارې مسؤلینو د پکتیا دکرنې رییس سره د خپلو راتلونکو پروژو په اړه معلومات شریک کړل او وویل چې په راتلونکې کې به د واټر شیدونو، د اوبو بندونو زېرمې جوړول او همدارنګه په جوړ شویو کړیو کې د نیالګیو کینولو پلان هم لري.
د پکتیا دکرنې رییس په خپلو خبرو کې د يادې ادارې له مسولينو سره د همکارۍ د ژمنې ترڅنګ د يادې ادارې له مسئولينو وغوښتل، چې خپلې چارې د کرنې رياست سره په همغږۍ په پوره شفافيت سرته ورسوي، نوموړی همداراز وويل چې د يادو پروژو په پلي کېدو سره به د کرنې په برخه کی اسانتیاوې هم رامنځته کړي.
