د پکتیا دکرنې ریاست: د راضۍ لوی ریاست پلاوی د فیروز خېلو سیمې له کورونو څخه لیدنه وکړه
۱۸ چنګاښ ۱۴۰۴ ه.ش
۱۳ مُحَرَّمُ الحَرام ۱۴۴۷ه.ق
د کرنې وزارت د اراضۍ لوی ریاست لخوا پلاوی د پکتيا ولايت احمد آباد ولسوالی د فیروز خېلو سيمې له کورونو او جايدادونو څخه ليدنه وکړه.
د ياد پلاوي سفر موخه نوموړي سيمې ته د دغه سيمې کورونه او جايدادنه چې څو موده وړاندې د غصب څخه د مخنیوي او غصب شويو ځمکو د استرداد کمېسيون لخوا استرداد شوي د هغو د سروې په پار ښودل شوې ده، چې وروسته له سروې څخه به دغه جایدادونه وړ کسانو ته په اجاره ورکړ شي.
په پیل کې د کرنې وزارت د اراضۍ لوی ریاست د غیر رسمي ښاري سيمو د ثبت رييس الحاج مولوي عبدالصمد پاڅون د نوموړې سيمې خلکو سره خبرې وکړې او نوموړو کسانو ته يې ډاډ ورکړ چې نوموړې سيمه امارتي تثبيت شوې خو بیاهم د هېچا حق به تر پښو لاندې نه کېږي او انشاءالله حق به خپل حقدار ته سپارل کېږي.
په پای کې د يادې سيمې خلکو هم د یاد پلاوي له راتګ څخه خوښي څرګنده کړه او د هر راز همکارۍ ژمنه یې هم وکړه.
